കുവൈറ്റ്: കുവൈറ്റിൽ അടുത്തിടെ പുറത്തുവന്ന റിപ്പോർട്ടിൽ 83,574 ഗാർഹിക തൊഴിലാളികൾ സെപ്റ്റംബർ മുതൽ 2020 ഡിസംബർ വരെയുള്ള കാലയളവിൽ രാജ്യം വിട്ടുപോയതായി ഒരു പ്രാദേശിക പത്രം റിപ്പോർട്ട് ചെയ്തു. തൊഴിൽ സേനയിലെ പ്രവാസികളുടെ എണ്ണം ഇപ്പോൾ 15 ദശലക്ഷം തൊഴിലാളികളായി കുറഞ്ഞു.
ജനസംഖ്യാ ഘടനയിൽ കൂടുതൽ മാറ്റങ്ങൾ കൈവരിക്കുന്നതിനും സർക്കാർ സ്ഥാപനങ്ങളിൽ നിന്ന് പുറത്താക്കപ്പെടുന്ന തൊഴിലാളികളുടെ എണ്ണം വർദ്ധിപ്പിക്കുന്നതിനുമുള്ള പ്രവർത്തനങ്ങൾ തുടരുകയാണെന്ന് റിപ്പോർട്ടിൽ പറയുന്നു. മൂന്നുമാസത്തിനുള്ളിൽ സർക്കാർ മേഖലയിലെ പ്രവാസികളുടെ 2,144 കരാറുകൾ അവസാനിപ്പിച്ചതായാണ് റിപ്പോർട്ട്.
കുവൈറ്റില് ഫെബ്രുവരിയില് 719,988 വീട്ടുജോലിക്കാരായിരുന്നു ഉണ്ടായിരുന്നതെങ്കില് ഏപ്രിലില് അത് 636,525 പേരായി കുറഞ്ഞു. ഇതുമൂലം ഗാര്ഹികത്തൊഴിലാളികളുടെ കാര്യത്തില് വലിയ ദൗര്ലഭ്യമാണ് കുവൈറ്റ് നേരിടുന്നത്.
അതേസമയം, ഗാര്ഹികത്തൊഴിലാളികളുടെ എന്ട്രി വിസയുടെ കാലാവധി മൂന്നു മാസത്തില് നിന്ന് ആറു മാസമായി വര്ധിപ്പിച്ചതായാണ് റിപ്പോർട്ട്. കുവൈറ്റ് യൂനിയന് ഓഫ് ഡൊമസ്റ്റിക് ലേബര് ഓഫീസസ് ചെയര്മാന് ഖാലിദ് അല് ദക്നാന് ആണ് ഇക്കാര്യം അറിയിച്ചത്. കൊവിഡ് പശ്ചാത്തലത്തില് രാജ്യത്ത് നിലനില്ക്കുന്ന തൊഴിലാളി ക്ഷാമം പരിഗണിച്ചാണ് നടപടി.
