ഡബ്ലിന്: ശമ്പളത്തോട് കൂടിയുള്ള സിക്ക് ലീവ് ലഭിക്കാനുള്ള അവകാശം അടുത്ത വർഷം മുതൽ അയര്ലണ്ടിലെ എല്ലാ തൊഴിലാളികൾക്കും നൽകണമെന്ന പുതിയ നിയമം പ്രാബല്യത്തിൽ വരുന്നു. എല്ലാ തൊഴിലാളികൾക്കും അസുഖ അവധി നൽകാനുള്ള അവകാശം നൽകുന്ന പുതിയ നിയമനിർമ്മാണത്തിനുള്ള നിർദേശങ്ങൾ എന്റർപ്രൈസ്, വാണിജ്യ, തൊഴിൽ മന്ത്രി ലിയോ വരദ്കർ ബുധനാഴ്ച മന്ത്രിസഭയിൽ കൊണ്ടുവരും.
പുതിയ നിയമനിര്മ്മാണ നിര്ദേശങ്ങള് പ്രകാരം അടുത്ത വര്ഷം മുതല് എല്ലാ തൊഴിലാളികള്ക്കും കൂടുതല് സിക്ക് ലീവ് ആനുകൂല്യങ്ങളും അവകാശങ്ങളും ലഭിക്കും. പകുതിയോളം തൊഴിലാളികൾക്ക് നിലവിൽ അത്തരം കവറേജ് ഇല്ലെന്ന് സർക്കാർ കണക്കാക്കുന്നു.
ശമ്പളത്തോട് കൂടിയുള്ള സിക്ക് ലീവ് ലഭിക്കാത്ത നിരവധി തൊഴിലാളികൾ കുറഞ്ഞ ശമ്പളമുള്ള റോളുകളിൽ ജോലി ചെയ്യുന്നുണ്ട്. ഇവർക്ക് പുതിയ നിയമം വലിയ ആശ്വാസമേകും.
