ഡബ്ലിൻ : ശക്തമായ കാറ്റ് വീശാനുള്ള സാധ്യത മുൻനിർത്തി മെറ്റ് ഏറാൻ അയർലണ്ടിൽ ഇന്ന് പുലർച്ചെ 5 മണി മുതൽ വെള്ളിയാഴ്ച പുലർച്ചെ 2 മണി വരെ യെല്ലോ അലേർട്ട് പ്രഖ്യാപിച്ചു. പടിഞ്ഞാറു ഭാഗത്തായിരിക്കും കാറ്റ് ആഞ്ഞടിക്കുക. ഉച്ചകഴിയുന്നതോടെ കാറ്റ് കിഴക്കോട്ട് നീങ്ങും. തീരപ്രദേശങ്ങളിലും വടക്ക് പടിഞ്ഞാറ് ഭാഗത്തെ ഉയർന്ന പ്രദേശങ്ങളിലും കാറ്റ് വളരെ ശക്തമാകാനിടയുണ്ട്.
കാറ്റിനെ തുടർന്ന് വൈദ്യുതി മുടക്കവും ഗതാഗത തടസ്സവും ഉണ്ടാകാനിടയുണ്ടെന്നും കാലാവസ്ഥാ നിരീക്ഷകർ മുന്നറിയിപ്പ് നൽകിയിട്ടുണ്ട്. കാറ്റും മഴയും മുൻനിർത്തി വൈകിട്ട് ആറു മുതൽ അർധരാത്രി വരെ മൺറിലും യെല്ലോ അലേർട്ട് പ്രഖ്യാപിച്ചിട്ടുണ്ട്. മണിക്കൂറിൽ 110 കിലോമീറ്റർ വരെ വേഗതയിൽ കാറ്റ് വീശാനിടയുണ്ടെന്നാണ് മുന്നറിയിപ്പ്. വെള്ളപ്പൊക്കത്തിനും സാധ്യതയുണ്ട്.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
https://chat.whatsapp.com/BvzwqMI97baHONxRBIQs88
