പാകിസ്ഥാനിൽ പെഷവാറിലെ കൊച്ച റിസാൽദാർ പ്രദേശത്തെ പള്ളിയിലുണ്ടായ സ്ഫോടനത്തിൽ 30 പേർ കൊല്ലപ്പെട്ടു. 50 ഓളം പേർക്ക് പരിക്കേൽക്കുകയും ചെയ്തു. ഖിസ്സ ഖ്വാനി ബസാറിലെ ജാമിയ മസ്ജിദിൽ വിശ്വാസികൾ പ്രാർതിക്കുന്നതിനിടെയാണ് സ്ഫോടനമുണ്ടായതെന്ന് രക്ഷാപ്രവർത്തകർ അറിയിച്ചു.
സ്ഫോടനത്തിൽ പരിക്കേറ്റവരിൽ പത്ത് പേരുടെ നില ഗുരുതരമാണെന്നാണ് റിപ്പോർട്ട്. ചാവേർ ആക്രമണമാണെന്ന് സംശയിക്കുന്നതായും അന്വേഷണം ആരംഭിച്ചതായും പോലീസ് അറിയിച്ചു.
