ബെയ്ജിങ്: ലെബനനിലും ഇസ്രായേലിലും കൊറോണ വൈറസ്ബാധ സ്ഥിരീകരിച്ചു. ഇറാനിൽ കൊറോണ ബാധിച്ച് രണ്ട് പേർ കൂടി മരിച്ചതായി ആരോഗ്യമന്ത്രാലയം അറിയിച്ചു. ഇതോടെ രോഗബാധയേറ്റ് ഇറാനിൽ മരിച്ചവരുടെ എണ്ണം നാലായി. 18 പേർക്ക് ഇറാനിൽ കൊറോണ സ്ഥിരീകരിച്ചിട്ടുണ്ട്.
ഇറ്റലിയിലും ആദ്യ കൊറോണ മരണം റിപ്പോർട്ട് ചെയ്തു. ഇതേതുടർന്ന് വടക്കൻ നഗരങ്ങളിലെ സ്കൂളുകൾ, ബാറുകൾ മറ്റ് പൊതുസ്ഥാപനങ്ങൾ എന്നിവയെല്ലാം ഇറ്റലി അടച്ചുപൂട്ടി. അതേസമയം, കൊറോണബാധിച്ചുള്ള മരണങ്ങൾ ചൈനയിൽ തുടരുകയാണ്. രോഗബാധയേറ്റ് ഇതുവരെ 2,345 പേർക്ക് ജീവൻ നഷ്ടമായെന്നാണ് റിപ്പോർട്ടുകൾ.
കൊറോണ വ്യാപനത്തിെൻറ തോത് ചൈനയിൽ കുറഞ്ഞിട്ടുണ്ട്. 397 പേർക്കാണ് ഇന്നലെ രോഗബാധ സ്ഥിരീകരിച്ചത്. കഴിഞ്ഞ ദിവസം 889 പേർക്കാണ് കൊറോണ സ്ഥിരീകരിച്ചത്.
