സംസ്ഥാനത്ത് ഇന്ന് 123 പേര്ക്ക് കൊവിഡ് സ്ഥിരീകരിച്ചു. 53 പേര് രോഗ വിമുക്തി നേടി. തുടര്ച്ചയായ ഏഴാം ദിവസമാണ് രോഗികളുടെ എണ്ണം നൂറ് കടക്കുന്നത്.
പാലക്കാട് 24, ആലപ്പുഴ 18, കൊല്ലം 13, എറണാകുളം 10, തൃശൂര് 10, കണ്ണൂര് 9, കോഴിക്കോട് 7, മലപ്പുറം 6, കാസര്കോഡ് 4, ഇടുക്കി 3, തിരുവനന്തപുരം, കോട്ടയം, വയനാട് ജില്ലകളില് നിന്നായി രണ്ട് വീതം പേര്ക്കുമാണ് ഇന്ന് രോഗം സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 5240 സാമ്പിളുകള് പരിശോധിച്ചു. 3726 പേര്ക്ക് രോഗം ഇതുവരെ സ്ഥിരീകരിച്ചു. 1761 പേര് ചികിത്സയിലുണ്ട്. 159616 പേരാണ് നിരീക്ഷണത്തിലുള്ളത്. 2349 പേര് ആശുപത്രികളിലാണ്. ഇന്ന് മാത്രം 344 പേരെ ആശുപത്രിയില് പ്രവേശിപ്പിച്ചു. ഇതുവരെ 156401 സാമ്പിളുകളാണ് പരിശോധനയ്ക്ക് അയച്ചത്. 4182 സാമ്പിളുകളുടെ പരിശോധന ഫലം വരാനുണ്ട്.
