മിനിയാപോളിസ്: യു.എസില് ആഫ്രിക്കന് വംശജനായ ജോര്ജ് ഫ്ലോയിഡിന്റെ കഴുത്തില് കാല്മുട്ടമര്ത്തി കൊന്ന മുന് പോലീസുകാരന് ഡെറിക് ഷോവിന് 22.5 വര്ഷം തടവുശിക്ഷ. മിനിയാപോളിസ് കോടതി ജഡ്ജി പീറ്റര് കാഹിലാണ് ശിക്ഷ വിധിച്ചത്. ‘എനിക്ക് ശ്വാസംമുട്ടുന്നു’ എന്ന ഫ്ലോയ്ഡിന്റെ അവസാനനിലവിളി മുദ്രാവാക്യമാക്കി യു.എസിലെങ്ങും പ്രതിഷേധം ശക്തമായിരുന്നു.
2020 മേയ് 25-നാണ് ഫ്ലോയിഡ് കൊല്ലപ്പെട്ടത്. വ്യാജരേഖകള് ഉപയോഗിച്ചെന്ന് ആരോപിച്ചാണ് ഷോവിന് ഫ്ളോയ്ഡിനെ നിലത്തേക്ക് തള്ളിയിട്ടത്. തുടര്ന്ന് കാല്മുട്ടുകള്കൊണ്ട് കഴുത്തില് ശക്തമായി അമര്ത്തി. എട്ടുമിനിറ്റും 46 സെക്കന്ഡും ഷോവിന്റെ കാല്മുട്ടുകള് ഫ്ലോയ്ഡിന്റെ കഴുത്തിലുണ്ടായിരുന്നുവെന്നാണ് പോസ്റ്റ്മോര്ട്ടം റിപ്പോര്ട്ട്.
