നടിയെ ആക്രമിച്ച കേസില് തുടരന്വേഷണം റദ്ദാക്കണമെന്ന ദിലീപിന്റെ ഹര്ജി തള്ളി ഹൈക്കോടതി. ഇതോടെ ക്രൈംബ്രാഞ്ചിന് ദിലീപ് അടക്കമുള്ള പ്രതികള്ക്കെതിരെ അന്വേഷണവുമായി മുന്നോട്ടുപോകാം. ജസ്ററിസ് കൗസര് എടപ്പഗത്തിന്റെ സിംഗിള് ബെഞ്ചിന്റേതാണ് നടപടി.
അതേസമയം ഏപ്രില് 15നകം തുടരന്വേഷണം പൂര്ത്തിയാക്കി റിപ്പോര്ട്ട് സമര്പ്പിക്കണമെന്നും ഹൈക്കോടതി നിർദ്ദേശം നൽകി. ബാലചന്ദ്രകുമാറിന്റെ വെളിപ്പെടുത്തലുകളുടെ അടിസ്ഥാനത്തില് കേസില് തുടരന്വേഷണം പൂര്ത്തിയാക്കാന് മാര്ച്ച് ഒന്നു വരെയാണ് എറണാകുളം അഡി. സ്പെഷ്യല് സെഷന്സ് കോടതി സമയം നല്കിയിരുന്നത്.
നടിയെ ആക്രമിച്ച കേസിലെ ഒന്നാം പ്രതി പള്സര് സുനിയുമായി ദിലീപിന് അടുത്ത ബന്ധമുണ്ടെന്നും ജാമ്യത്തിലിറങ്ങിയ ശേഷം ആക്രമണ ദൃശ്യങ്ങൾ ദിലീപിനു ലഭിച്ചെന്നും സംവിധായകന് ബാലചന്ദ്രകുമാര് വെളിപ്പെടുത്തിയിരുന്നു. ഇതിന്റെ അടിസ്ഥാനത്തിലാണ് ക്രൈംബ്രാഞ്ച് കേസിലെ തുടരന്വേഷണവുമായി മുന്നോട്ടുപോയത്.
