കൊല്ക്കത്ത: പശ്ചിമബംഗാളില് രാഷ്ട്രീയത്തില് കനത്ത പ്രഹരം ഏല്പിച്ചുകൊണ്ട് മൂന്നാമത്തെ മന്ത്രികൂടെ രാജിവെച്ചു. ബംഗാള് വനംവകുപ്പ് മന്ത്രി രാജീവ് ബാനര്ജിയാണ് രാജിവെച്ചത്. തനിക്ക് ബംഗാളിലെ ജനങ്ങളെ സേവിക്കാന് സാധിച്ചതില് അതീവ സന്തോഷമുണ്ടെന്ന് അദ്ദേഹം വെളിപ്പെടുത്തി. താന് രാജിവെക്കാനുണ്ടായ സഹാചര്യമോ, കാരണമോ അദ്ദേഹം വെളിപ്പെടുത്തിയില്ല.
ബി.ജെ.പിയില് ചേരുന്നതിന് മുന്നോടിയായാണ് ഇവരെല്ലാം രാജിവെച്ചത് എന്നാണ് രഹസ്യവിവരം. സോഷ്യല് മീഡിയയിലൂടെയാണ് മന്ത്രി തന്റെ രാജി വിവരം പൊതുജനങ്ങളെ അറിയിച്ചത്. ഓരോരുത്തരേയും ഞാന് എന്റെ കുടുംബത്തെപ്പോലെയാണ് കണ്ടതെന്നും നിങ്ങളുടെ പിന്തുണയാല് തനിക്ക് കൂടുതല് ദൂരം സഞ്ചരിക്കുവാന് സാധ്യമായെന്നും തന്റെ രാജി ഔദ്യോഗികമായി പ്രഖ്യാപിക്കുകയാണെന്നും ഫെയ്സബുക്കില് രാജിബ് കുറിച്ചു.
