ധാബയിൽ ഉപഭോക്താക്കളുടെ അഭാവം മൂലം, തങ്ങൾക്ക് കച്ചവടമില്ലെന്നും ജീവിക്കാൻ വഴിയില്ലെന്നും രണ്ട് വൃദ്ധ ദമ്പതികൾ നിറകണ്ണുകളോടെ പറയുന്ന വീഡിയോ വൈറലായിരുന്നു.
ഡൽഹിയിലെ മാളവ്യ നഗറിൽ ബാബാ കാ ധാബാ എന്ന പേരിൽ ഭക്ഷണശാല നടത്തിവരുന്ന കാന്താ പ്രസാദും ഭാര്യയുമാണ് നിമിഷങ്ങൾക്കുള്ളിൽ സമൂഹമാധ്യമത്തിൽ വൈറലായത്. അതിനുശേഷം നിരവധി സെലിബ്രിറ്റികൾ ദമ്പതികൾക്ക് പിന്തുണ അറിയിക്കുകയും വീഡിയോ പങ്കിടുകയും ചെയ്തു.
നാലുമണിക്കൂറിനുള്ളിൽ വെറും അമ്പതു രൂപയാണ് തനിക്ക് ലഭിച്ചതെന്നു കരഞ്ഞു പറയുന്ന എൺപതുകാരനായ കാന്താപ്രസാദിന്റെ വീഡിയോ ആണ് താരങ്ങൾ ഉൾപ്പെടെ പങ്കുവച്ചിരുന്നത്.
ഫുഡ് ബ്ലോഗർ ഗൗരവ് വാസന പകർത്തിയ വീഡിയോയാണ് ട്വിറ്ററിലൂടെ ലോകത്തെ അറിയിച്ചത്.
വീഡിയോ കണ്ടവരിൽ ഭൂരിഭാഗം പേരും കടയിലെത്തുകയും ബാബാ കാ ധാബ നിറയുകയും കാന്താപ്രസാദും ഭാര്യയും നിർത്താതെ ഭക്ഷണം വിതരണം ചെയുന്നതുമാണ് വിതരണം ചെയ്യുന്നതുമാണ് പിന്നീടുള്ള വീഡിയോയിൽ കാണുന്നത്. വന്നവരിൽ ചിലർ ഈ ദമ്പതികളെ സാമ്പത്തികമായും സഹായിച്ചിട്ടാണ് മടങ്ങിയത് എന്നാണ് റിപ്പോർട്ട്.
