കണ്ണൂർ: ചെരുപ്പുഴയിൽ 60 കാരനെ അയൽക്കാരൻ വെടിവച്ചു കൊന്നു. ബേബി എന്ന് വിളിക്കുന്ന കൊങ്ങോലില്‍ സെബാസ്റ്റ്യനാണ് മരിച്ചത്. മദ്യപിച്ച് ബഹളം വെച്ചത് ചോദ്യം ചെയ്തതിനാണ് അയല്‍വാസിയായ ടോമി ബേബിയെ കൊലപ്പെടുത്തിയത്. ബേബിയുടെ മൃതദേഹം ചെറിയുപുരയിലെ ഒരു സ്വകാര്യ ആശുപത്രിയിലേക്ക് കൊണ്ടുപോയി.
വ്യാഴാഴ്ച കണ്ണൂര്‍ ചെറുപുഴയിലായിരുന്നു സംഭവം നടന്നത്. മദ്യലഹരിയില്‍ വീട്ടില്‍ നിന്ന് ബഹളം വെച്ച ടോമിയോട് സെബാസ്റ്റ്യന്‍ സംസാരിക്കാന്‍ ചെന്നപ്പോൾ അത് പിന്നീട് വാക്കുതര്‍ക്കമായി മാറുകയായിരുന്നു. തുടർന്നാണ് ടോമി ബേബിയെ വെടിവെച്ചു കൊന്നത്.
സംഭവത്തിന് ശേഷം പ്രതി ടോമി ഓടി രക്ഷപ്പെടുകയായിരുന്നു. ഒളിവില്‍ പോയ ടോമിക്കായി പൊലീസ് അന്വേഷണം ആരംഭിച്ചിട്ടുണ്ട്.
