എന്നും പ്രേക്ഷകനെ പൊട്ടിച്ചിരിക്കാൻ അവസരം നൽകി ഒരു പിടി ചിത്രങ്ങൾ സമ്മാനിച്ച റാഫിയുടെ തിരക്കഥയിൽ ഹരിദാസ് സംവിധാനം ചെയ്യുന്ന താനാരാ (who are you ) എന്ന ചിത്രത്തിൻ്റെ ഒഫിഷ്യൽ ട്രയിലർ പ്രശസ്ത നടൻ ഫഹദ് ഫാസിലിൻ്റെ ഫേസ്ബുക്ക് പേജിലൂടെ പ്രകാശനം ചെയ്തു. വൺ ഡേ ഫിലിംസിൻ്റെ ബാനറിൽ ബിജു .വി. മത്തായിയാണ് ഈ ചിത്രം നിർമ്മിച്ചിരിക്കുന്നത്.
മോഷണത്തിൽ തൻ്റേതായ വിശ്വാസങ്ങളുള്ള ഒരു കള്ളൻ യുവ രാഷ്ട്രീയ നേതാവിൻ്റെ ജീവിതത്തിൽ അപ്രതീഷിതമായി കടന്നു വരുന്നതോടെ ഉരിത്തിരിയുന്ന പുതിയ സംഭവങ്ങളുടെ അത്യന്തം രസാകരമായ ചലച്ചിത്രാവിഷ്ക്കാരണമാണ് ഈ ചിത്രം.
ജോർജ് കുട്ടി കെയർ ഓഫ് ജോർജുകുട്ടി, ഊട്ടിപ്പട്ടണം, മമ്മൂട്ടി നായകനായ ഇന്ദ്രപ്രസ്ഥം, കിന്നരിപ്പുഴയോരം തുടങ്ങിയ ഒരു പിടി മികച്ച ചിത്രങ്ങൾ ഒരുക്കിയ സംവിധായകനാണ് ഹരിദാസ്.വിഷ്ണു ഉണ്ണികൃഷ്ണൻ, ഷൈൻ ടോം ചാക്കോ ,അജു വർഗീസ് എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ ദീപ്തി സതി, ചിന്നു ചാന്ദ്നി ,ജിബു ജേക്കബ്, സ്നേഹാ ബാബു എന്നിവരും പ്രധാന വേഷങ്ങളിലെത്തുന്നു. ഹരി നാരായണൻ്റെ ഗാനങ്ങൾക്ക് ഗോപി സുന്ദറാണ് ഈണം പകർന്നിരിക്കുന്നത്.
ഛായാഗ്രഹണം- വിഷ്ണു നാരായണൻ, എഡിറ്റിംഗ്- വി.സാജൻ, കലാസംവിധാനം – സുജിത് രാഘവ്, മേക്കപ്- കലാമണ്ഡലം വൈശാഖ് – ഷിജു കൃഷ്ണ, കോസ്റ്റ്യും – ഡിസൈൻ – ഇർഷാദ് ചെറുകുന്ന്.
അസ്സോസ്സിയേറ്റ് ഡയറക്ടേർസ് – റിയാസ് ബഷീർ, രാജീവ് ഷെട്ടി, കോ – ഡയറക്ടർ – ഋഷി ഹരിദാസ്, കോ – പ്രൊഡ്യൂസർ – സുജ മത്തായി,
എക്സിക്കുട്ടീവ് പ്രൊഡ്യൂസേർസ് – കെ.ആർ. ജയകുമാർ, ബിജു എം.പി., പ്രൊഡക്ഷൻ എക്സിക്കുട്ടീവ്സ് – പ്രവീൺ എടവണ്ണപ്പാറ, ജോബി ആൻ്റണി, പ്രൊഡക്ഷൻ കൺട്രോളർ- ഡിക്സൻ പൊടുത്താസ്.നിർമ്മാണ പ്രവർത്തനങ്ങൾ പൂർത്തിയായി വരുന്ന ഈ ചിത്രം ഓഗസ്റ്റ് ഒമ്പതിന് വൺഡേ ഫിലിംസും, ഗുഡ് വിൽ എൻ്റർടൈൻമെൻ്റ്സും ചേർന്നു പ്രദർശനത്തിനെത്തിക്കുന്നു.
വാഴൂർ ജോസ്.
ഫോട്ടോ – മോഹൻ സുരഭി .
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
