ദുബായ്: ഫിലിപ്പീൻസ് സ്വദേശിയായ അഞ്ചുവയസ്സുകാരന്റെ സത്യസന്ധതയ്ക്ക് ദുബായ് പോലീസിന്റെ ആദരം. അൽ ഖിസൈസ് പോലീസ് സ്റ്റേഷൻ പരിധിയിൽനിന്ന് കളഞ്ഞുകിട്ടിയ 4000 ദിർഹം നിജെൽ നെർസ് എന്ന ബാലൻ പോലീസിൽ ഏൽപ്പിക്കുകയായിരുന്നു. ബാലന്റെ സത്യസന്ധതയ്ക്കുള്ള ആദരവായി സ്റ്റേഷൻ ഡയറക്ടർ ബ്രിഗേഡിയർ അബ്ദുൽ ഹാലിം മുഹമ്മദ് അൽ ഹാഷ്മിയുടെ നേതൃത്വത്തിൽ സർട്ടിഫിക്കറ്റ് സമ്മാനിച്ചു. പൊതുജനങ്ങളുടെ സാമൂഹിക ഉത്തരവാദിത്വം ഉയർത്തുന്നതിനായുള്ള പോലീസ് പദ്ധതികൾ അദ്ദേഹം വ്യക്തമാക്കി.
