ന്യൂദല്ഹി: ഡൽഹി എയിംസിൽ നിന്ന് പ്രധാനമന്ത്രി നരേന്ദ്ര മോദി കൊവിഡ് വാക്സിന്റെ ആദ്യ ഡോസ് സ്വീകരിച്ചു. അറുപത് വയസ്സിന് മുകളിലുള്ളവര്ക്ക് 45 വയസിന് മുകളിലുള്ള രോഗബാധിതര്ക്കും ഇന്ന് മുതല് കൊവിഡ് വാക്സിനായി രജിസ്ട്രേഷന് ആരംഭിക്കാനിരിക്കെയാണ് പ്രധാനമന്ത്രി വാക്സിന് സ്വീകരിച്ചിരിക്കുന്നത്.
രജിസ്ട്രേഷന് നടത്തുന്നത് കൊവിഡ് പോര്ട്ടല് വഴിയും ആരോഗ്യസേതു ആപ്പ് വഴിയുമാണ്. തെരഞ്ഞെടുത്ത സ്വകാര്യ ആശുപത്രികളിലും സര്ക്കാര് ആശുപത്രികളിലും വാക്സിനെടുക്കാന് സൗകര്യമുണ്ടായിരിക്കുന്നതാണ് എന്ന് കേന്ദ്ര ആരോഗ്യമന്ത്രാലയം അറിയിച്ചു. സര്ക്കാര് ആശുപത്രികളില് വാക്സിനേഷന് സൗജന്യമാണ്.
‘ഡൽഹി എയിംസില് നിന്ന് കോവിഡ് വാക്സിന്റെ ആദ്യഡോസ് സ്വീകരിച്ചു. നമ്മുടെ ഡോക്ടര്മാരും ശാസ്ത്രജ്ഞരും കോവിഡിനെതിരേയുള്ള ആഗോള പോരാട്ടം ശക്തിപ്പെടുത്തുന്നതിന് ഉണർന്നു പ്രവർത്തിച്ചത് ശ്രദ്ധേയമാണ്. അര്ഹരായ എല്ലാവരും വാക്സിന് സ്വീകരിക്കണം. നമുക്ക് ഒറ്റക്കെട്ടായി ഇന്ത്യയെ കോവിഡ് മുക്തമാക്കാം’ – കോവിഡ് വാക്സിന്റെ ആദ്യഡോസ് സ്വീകരിചത്തിന് ശേഷം മോദി ട്വീറ്റ് ചെയ്തു.
