റിയാദ്: കൊവിഡ് പ്രതിരോധത്തിന്റെ ഭാഗമായി പ്രഖ്യാപിച്ച ലോക്ഡൗണ് ഉള്പ്പെടെയുള്ള നിയന്ത്രണങ്ങളില് ഘട്ടം ഘട്ടമായി ഇളവു വരുത്താന് സൗദി അറേബ്യ.
മെയ് 28 മുതലാണ് സൗദിയില് ലോക്ഡൗണ് നിയന്ത്രണങ്ങളില് ഇളവ് വരുത്തുന്നത്. മൂന്ന് ഘട്ടങ്ങളായാണ് നിയന്ത്രണങ്ങള് ഒഴിവാക്കുന്നത്. ജൂണ് 21 മുതല് തുടങ്ങുന്ന മൂന്നാം ഘട്ടത്തോടെ നിയന്ത്രണങ്ങള് പൂര്ണമായും ഒഴിവാകും. എന്നാല് മക്കയിലും മദീനയിലും ഉള്ള നിയന്ത്രണങ്ങളും അന്താരാഷ്ട്ര വിമാന സര്വീസുകള്ക്കുള്ള നിയന്ത്രണങ്ങളും തുടരും.
സൗദിയെ കൂടാതെ യു.എ.ഇയും നിയന്ത്രണങ്ങളില് ഇളവ് വരുത്തിക്കൊണ്ടു വരികയാണ്. ദുബായില് രാത്രികാല നിയന്ത്രണങ്ങളില് ഇളവു വരുത്തുന്നുണ്ട്. കുവൈറ്റും 24 മണിക്കൂര് കര്ഫ്യൂ ഇനി പ്രഖ്യാപിക്കുന്നില്ലെന്ന് വ്യക്തമാക്കിയിട്ടുണ്ട്.
