ഒക്ടോബറിലെ ബജറ്റിൽ ജീവിതച്ചെലവ് നേരിടാൻ ലക്ഷ്യമിട്ടുള്ള ഒരു കൂട്ടം നടപടികൾ സർക്കാർ മുന്നോട്ട് കൊണ്ടുവരുമെന്ന് മൈക്കൽ മഗ്രാത്ത് പറഞ്ഞു. യൂറോപ്യൻ സെൻട്രൽ ബാങ്ക് പലിശ നിരക്ക് വർദ്ധന, മുൻകാല പലിശ നിരക്ക് വർദ്ധനയുടെ ഭാരം ഇതിനകം തന്നെ വഹിക്കുന്ന നിരവധി കുടുംബങ്ങളിൽ സമ്മർദ്ദം ചെലുത്തുമെന്ന് ധനമന്ത്രി പറഞ്ഞു. ഇന്നലെ ECB നിക്ഷേപ നിരക്ക് 3.75% ൽ നിന്ന് 4% ആയി ഉയർത്തിയിരുന്നു. ഇത് എക്കാലത്തെയും ഉയർന്ന നിരക്കിലെത്തി.
ജീവിതച്ചെലവിനെ സഹായിക്കുന്നതിന് ബജറ്റിൽ പ്രത്യേക പാക്കേജ് ഉണ്ടാകും. ആരോഗ്യ സംരക്ഷണം, ഗതാഗതം, വിദ്യാഭ്യാസം, ശിശു സംരക്ഷണം എന്നിവയിൽ ചെലവ് ചുരുക്കാനും ആദായനികുതിയുടെ രൂപത്തിൽ ജനങ്ങൾക്ക് ആശ്വാസം നൽകാനും ശ്രമിക്കുന്നു എന്ന് അദ്ദേഹം പറഞ്ഞു. ബാങ്കുകളും ബാങ്കിതര വായ്പ നൽകുന്നവരും ഇപ്പോൾ പ്രവർത്തിക്കേണ്ടത് വളരെ പ്രധാനമാണെന്നും മന്ത്രി കൂട്ടിച്ചേർത്തു.മോർട്ട്ഗേജ് തിരിച്ചടയ്ക്കാൻ ആത്മാർത്ഥമായി ശ്രമിക്കുകയാണെങ്കിൽ മോർട്ട്ഗേജ് കുടിശ്ശികയിൽ വരുത്താൻ അനുവദിക്കരുതെന്ന് അദ്ദേഹം പറഞ്ഞു.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
