നാണയപ്പെരുപ്പത്തെ പ്രതിരോധിക്കുന്നതിനായി യൂറോപ്യൻ സെൻട്രൽ ബാങ്ക് തുടർച്ചയായ പത്താം തവണയും പലിശ നിരക്ക് ഉയർത്തി. നിക്ഷേപ നിരക്ക് 3.75% ൽ നിന്ന് 4% ആയി ഉയർത്തി. ഇത് എക്കാലത്തെയും ഉയർന്ന നിരക്കാണ്. പ്രധാന റീഫിനാൻസിംഗ് ഓപ്പറേഷൻസ് നിരക്ക് ഇപ്പോൾ 4.50 ശതമാനമായും, marginal lending facility നിരക്ക് 4.75 ശതമാനമായും ഉയരും. വ്യാഴാഴ്ചത്തെ വർദ്ധനവ് അവസാനത്തേതായിരിക്കുമെന്ന് ഇസിബി സൂചന നൽകി.
കഴിഞ്ഞ വർഷം ജൂലൈയിൽ സെൻട്രൽ ബാങ്ക് ഹൈക്കിംഗ് സൈക്കിൾ ആരംഭിച്ചതിനുശേഷം ഇത് തുടർച്ചയായ 10-ാമത്തെ വർദ്ധനവാണിത്. ലോകത്തിന്റെ മറ്റു ഭാഗങ്ങളിലെന്നപോലെ, ഗാർഹിക ബഡ്ജറ്റുകളെ ഞെരുക്കിയ ഭക്ഷണത്തിന്റെയും ഊർജത്തിന്റെയും വിലക്കയറ്റം യൂറോസോണിനെ ബാധിച്ചു.
നാണയപ്പെരുപ്പം ഇപ്പോഴും 5%-ന് മുകളിലാണ്, മാത്രമല്ല ദീർഘകാലാടിസ്ഥാനത്തിൽ ECB യുടെ 2% ലക്ഷ്യത്തിലേക്ക് തിരിച്ചുവരുന്നത് വിപണികൾ കാണുന്നില്ലെന്നും ECB പ്രസ്താവനയിൽ പറയുന്നു. തൊഴിൽ വിപണി കൂലി വർദ്ധിപ്പിക്കുകയും ഉയർന്ന ഊർജ്ജ ചെലവ് വിലയിൽ സമ്മർദ്ദം ചെലുത്തുകയും ചെയ്യുന്നു. അടുത്ത വർഷം പണപ്പെരുപ്പം 3.2% ആയി കണക്കാക്കുന്നു.
ഈ വർഷം ഇനിയും വർധനവ് ഉണ്ടാകാൻ സാധ്യതയില്ലെന്ന് ഓൺലൈൻ ബ്രോക്കർമാരായ MyMortgages.ie യുടെ ക്രെഡിറ്റ് ഹെഡ് ജോയി ഷഹാൻ പറഞ്ഞു. 2022 ജൂലൈ മുതൽ നിലവിലുള്ള ട്രാക്കർ മോർട്ട്ഗേജ് ഹോൾഡർമാർ അവരുടെ തിരിച്ചടവ് പ്രതിമാസം 491 യൂറോ അല്ലെങ്കിൽ പ്രതിവർഷം € 5,892 വർധിച്ചു. 15 വർഷം ശേഷിക്കുന്ന 220,000 യൂറോ മോർട്ട്ഗേജ് അടിസ്ഥാനമാക്കിയാണ് ഏറ്റവും പുതിയ ഇസിബി വർധനവെന്ന് ഷഹാൻ പറഞ്ഞു. നിരക്ക് വർദ്ധനയുടെ പ്രത്യാഘാതങ്ങൾ വ്യക്തമാകാൻ 18 മാസവും അതിൽക്കൂടുതലും സമയമെടുക്കുമെന്ന് വിദഗ്ധർ പറയുന്നു.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
