ഈ വർഷം ഐറിഷ് സമ്പദ്‌വ്യവസ്ഥയുടെ വളർച്ചയിൽ പ്രതീക്ഷകയുള്ളതായി യൂറോപ്യൻ കമ്മീഷൻ. ജിഡിപി 1.2% വളർച്ച നേടുമെന്ന് പ്രവചനം. ഫെബ്രുവരിയിൽ പ്രസിദ്ധീകരിച്ച Winter Economic forecastൽ പ്രവചിച്ച 3.2% ൽ നിന്ന് 2025 ലെ ജിഡിപി വളർച്ച 3.6% ആയി ഉയരുമെന്ന് കമ്മീഷൻ പ്രതീക്ഷിക്കുന്നു. ആഭ്യന്തര സമ്പദ്‌വ്യവസ്ഥയെ മികച്ച രീതിയിൽ പ്രതിഫലിപ്പിക്കുന്ന ആഭ്യന്തര ഡിമാൻഡ് 2024ൽ 1.7 ശതമാനവും 2025ൽ 2.4 ശതമാനവും വികസിക്കുമെന്ന് കമ്മീഷൻ പറഞ്ഞു. ഐറിഷ് സമ്പദ്‌വ്യവസ്ഥ കഴിഞ്ഞ വർഷം 3.2% ഇടിവ്‌ രേഖപ്പെടുത്തിയിരുന്നു.
ഈ വർഷത്തെ ആദ്യ കുറച്ച് മാസങ്ങളിൽ ഉപഭോക്തൃ ഡിമാൻഡിൽ മിതമായ വർദ്ധനവാണ് സൂചിപ്പിക്കുന്നത്. പ്രധാന പണപ്പെരുപ്പം ഈ വർഷം 1.9 ശതമാനമായും അടുത്ത വർഷം 1.8 ശതമാനമായും 2023 ലെ 5.2 ശതമാനത്തിൽ നിന്ന് കുറയുമെന്ന് കമ്മീഷൻ പറഞ്ഞു. എന്നാൽ അടിസ്ഥാന വില സമ്മർദ്ദം ശക്തമായി തുടരുമെന്നും തുടർച്ചയായ വേതന വളർച്ച സേവന പണപ്പെരുപ്പം നിലനിർത്തുമെന്നും മുന്നറിയിപ്പ് നൽകി.
2024ലും 2025ലും രാജ്യത്തിൻ്റെ ബജറ്റ് മിച്ചം നേരിയ തോതിൽ കുറയുമെന്ന് കമ്മീഷൻ പ്രവചിക്കുന്നു. ഈ വർഷത്തെ GDP വളർച്ച EU-ൽ 1% ഉം യൂറോ മേഖലയിൽ 0.8% ഉം ആയി കണക്കാക്കുന്നു. 2025-ൽ, ജിഡിപി യൂറോപ്യൻ യൂണിയനിൽ 1.6% ആയും യൂറോ മേഖലയിൽ 1.4% ആയിരിക്കുമെന്നും പ്രവചിക്കുന്നു. എച്ച്ഐസിപി പണപ്പെരുപ്പം 2023-ൽ 6.4 ശതമാനത്തിൽ നിന്ന് ഈ വർഷം 2.7 ശതമാനമായും 2025-ൽ 2.2 ശതമാനമായും കുറയുമെന്ന് പ്രതീക്ഷിക്കുന്നു. യൂറോ മേഖലയിൽ, കഴിഞ്ഞ വർഷം 5.4% ആയിരുന്നത് 2024-ൽ 2.5% ആയും അടുത്ത വർഷം 2.1% ആയും കുറയുമെന്ന് പ്രതീക്ഷിക്കുന്നു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
