അയർലണ്ടിലെ ഡ്രൈവർമാർക്ക് കാർ ഇൻഷുറൻസ് നൽകുന്ന കാര്യം പരിഗണിക്കുന്നതായി ഫിനാൻഷ്യൽ ആപ്പായ Revolut. ഇതിന്റെ ഭാഗമായി ഉപഭോക്താക്കളുടെ അഭിപ്രായവും നിർദ്ദേശങ്ങളും ചോദിച്ചു വരുന്നതായി Revolut വക്താവ് അറിയിച്ചു.
ആപ്പിന്റെ ഉപയോക്താക്കൾക്ക് ‘priority access’നായി സൈൻ അപ്പ് ചെയ്യാൻ കഴിയും. വരും മാസങ്ങളിൽ കൂടുതൽ പ്രഖ്യാപനങ്ങൾ പ്രതീക്ഷിക്കുന്നതായും അറിയിച്ചു.ജൂലൈ 1-ന് എല്ലാ ഐറിഷ് ഉപഭോക്താക്കളും Revolut ബാങ്കിലേക്ക് മൈഗ്രേറ്റ് ചെയ്യപ്പെടുന്നതോടെ Revolut ഔദ്യോഗികമായി അയർലണ്ടിൽ ഒരു ബാങ്കായി പ്രവർത്തനം ആരംഭിച്ചു. ഈ സാഹചര്യത്തിലാണ് പുതിയ പദ്ധതി വരുന്നത്.
2,000 യൂറോ മുതൽ 30,000 യൂറോ വരെയുള്ള വായ്പകളും ഡെപ്പോസിറ്റ് ഗ്യാരന്റി സ്കീം മുഖേനയുള്ള കറന്റ് അക്കൗണ്ട് ഫണ്ട് പരിരക്ഷയും നിലവിൽ വരും.ആപ്പിന് അയർലണ്ടിൽ 1.7 ദശലക്ഷത്തിലധികം ഉപയോക്താക്കളുണ്ട്, യുകെ കഴിഞ്ഞാൽ രണ്ടാമത്തെ വലിയ വിപണിയാണ് അയർലണ്ട്.
