അയർലണ്ടിൽ ജോലി വാഗ്ദാനം നൽകി വ്യാജ വിസയിൽ ഇന്ത്യ ഉൾപ്പെടെയുള്ള വിദേശ രാജ്യങ്ങളിൽ നിന്നും നഴ്സുമാരെ എത്തിക്കുന്ന വാർത്ത GNN റിപ്പോർട്ട് ചെയ്തതിനു പിന്നാലെ തട്ടിപ്പിനെതിരെ ശക്തമായ നടപടി ആവശ്യപ്പെട്ട് വിവിധ സംഘടനകൾ മുന്നോട്ട് വന്നിരിക്കുകയാണ്. കുടിയേറ്റ നഴ്സുമാരെ ഇല്ലാത്ത ജോലികൾ വാഗ്ദാനം ചെയ്യുന്ന റിക്രൂട്ട്‌മെന്റ് ഏജൻസികൾക്കെതിരെ MNI രംഗത്ത്. വിദേശത്ത് നിന്ന് നഴ്സുമാരെ നിയമിക്കുന്ന നഴ്സിംഗ് ഹോമുകൾ, ശരിയായി രജിസ്റ്റർ ചെയ്തിട്ടുള്ള നിയമാനുസൃത ഏജൻസികളുമായി പ്രവർത്തിക്കുന്നുണ്ടെന്ന് ഉറപ്പാക്കണമെന്ന് മൈഗ്രന്റ് നഴ്‌സസ് അയർലൻഡ് (എംഎൻഐ) ആവശ്യപ്പെട്ടു.
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
അയർലണ്ടിലും മറു രാജ്യത്തും ലൈസൻസ് ഉണ്ടായിരിക്കണമെന്ന നിയമം നിലനിൽക്കേ,. സംശയിക്കപ്പെടുന്ന വിസ തട്ടിപ്പ് നടത്തുന്ന ഒന്നിലധികം ഏജൻസികൾ ഒരു രാജ്യത്തിലെങ്കിലും ലൈസൻസില്ലാതെയാണ് പ്രവർത്തിക്കുന്നത് എന്ന് ഡബ്ലിനിലെ സീനിയർ നഴ്‌സും എംഎൻഐയുടെ കൺവീനറുമായ വർഗീസ് ജോയ് പറഞ്ഞു. കൂടാതെ, വർക്ക് പെർമിറ്റ് ലഭിക്കുന്നതിന് അയർലണ്ടിൽ ജോലിക്ക് വരുമ്പോൾ ഒരു നഴ്‌സ് നൽകേണ്ട സ്റ്റാൻഡേർഡ് ചെലവുകൾക്കും നഴ്സിംഗ് ആൻഡ് മിഡ്‌വൈഫറി ബോർഡ് ഓഫ് അയർലണ്ടിൽ (NMBI) നിന്നുള്ള രജിസ്ട്രേഷൻ പിൻക്കും പുറമേ, നിയമവിരുദ്ധമായ ഏജൻസി ഫീസായി ആയിരക്കണക്കിന് യൂറോയും ഈ കമ്പനികൾ നഴ്‌സുമാരിൽ നിന്ന് ഈടാക്കുന്നതായും അദ്ദേഹം ചൂണ്ടിക്കാട്ടി.
വിസ തട്ടിപ്പ് നടന്നതായി സംശയിക്കപ്പെടുന്ന ഇത്തരം കേസുകളിൽ, നിലവിലില്ലാത്ത ജോലികൾക്കായി അയർലണ്ടിലേക്ക് വരുന്നതിന് ഏജൻസികൾ നഴ്‌സുമാരിൽ നിന്ന് €4,000 വരെ (ചില സന്ദർഭങ്ങളിൽ കൂടുതൽ) ഈടാക്കുന്നു. വ്യാജ ജോലി വാഗ്ദാനങ്ങൾക്കായി വർക്ക് പെർമിറ്റുകൾ നൽകുന്നതിനായി നീതിന്യായ വകുപ്പിനെയും എന്റർപ്രൈസ് വകുപ്പിനെയും ഈ ഏജൻസികൾ കബളിപ്പിക്കുന്നു. മുൻകാലങ്ങളിൽ നഴ്സിംഗ് ഹോമുകളിൽ നിന്ന് നഴ്സുമാർക്ക് യഥാർത്ഥ ജോലി ഓഫറുകൾ നേടിയെടുത്തത് ഈ ഏജൻസികളാണ്. അവർ ആ കരാറുകളുടെ ലെറ്റർഹെഡുകളും ടെക്സ്റ്റ് ബോഡിയും എടുത്ത് എഡിറ്റ് ചെയ്ത് മറ്റ് നഴ്സുമാരുടെ പേരുകൾ അവയിൽ ചേർക്കുന്നു. തുടർന്ന് എഡിറ്റ് ചെയ്ത രേഖ വകുപ്പുകൾക്ക് സമർപ്പിക്കുന്നു.
പല കേസുകളിലും, ഈ നഴ്സുമാർക്ക് 4,000 യൂറോ വരെ നിയമവിരുദ്ധമായ ഏജൻസി ഫീസായി നൽകിയിട്ടുണ്ട്. ആറ്റിപിക്കൽ വർക്കിംഗ് സ്കീം നടത്തുന്ന സർക്കാർ വകുപ്പുകളോട്, വർക്ക് പെർമിറ്റുകൾ നൽകുന്നതിനുമുമ്പ്, തൊഴിൽ ഓഫറുകൾ യഥാർത്ഥമാണോ എന്ന് തൊഴിലുടമകളുമായി പരിശോധിക്കാൻ MNI ആവശ്യപ്പെട്ടു. വിദേശ നേഴ്സുമാരെ വ്യാജ ഓഫർ ലെറ്റർ നൽകി വഞ്ചിക്കുന്ന ഏജൻസികളുടെ വാർത്ത GNN പുറത്ത് കൊണ്ട് വന്നതിനു പിന്നാലെയാണ് ഈ പ്രശ്നം ചർച്ചയായത്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/Fvb5dzrOEnRCV2ReS4R7Gb
