വടക്കുപടിഞ്ഞാറൻ മേഖലയിലെ നാല് കൗണ്ടികളിൽ സ്റ്റാറ്റസ് ഓറഞ്ച് ഇടിമിന്നൽ മുന്നറിയിപ്പ് പ്രാബല്യത്തിൽ ഉണ്ട്.ഡോണെഗൽ, ലെട്രിം, മയോ, സ്ലിഗോ എന്നിവിടങ്ങളിൽ കനത്ത മഴയും വലിയ ആലിപ്പഴ വർഷവും ഇടിമിന്നലും ഉണ്ടാകുമെന്ന് Met Eireann അറിയിച്ചു. ഇന്ന് വൈകുന്നേരം 3 മണി മുതൽ രാത്രി 9 മണി വരെയാണ് മുന്നറിയിപ്പ്. ഇടിമിന്നൽ വെള്ളപ്പൊക്കത്തിനും യാത്രാക്ലേശത്തിനും വൈദ്യുതി ലൈനുകൾക്ക് കേടുപാടുകൾക്കും ഇടയാക്കും.
കാവൻ, ഡൊണെഗൽ, കൊണാച്ച്, ലോങ്ഫോർഡ് എന്നിവിടങ്ങളിൽ സ്റ്റാറ്റസ് യെല്ലോ ഇടിമിന്നൽ മുന്നറിയിപ്പും നിലവിലുണ്ട്. ഇന്ന് ഉച്ചയ്ക്ക് 2 മണിക്കും രാത്രി 9 മണിക്കും ഇടയിൽ ഇടിമിന്നലോടും ആലിപ്പഴത്തോടും കൂടിയ കനത്ത മഴയ്ക്ക് സാധ്യതയുണ്ടെന്ന് പ്രവചനം. ജനങ്ങൾ റോഡുകളിൽ ജാഗ്രത പാലിക്കണമെന്ന് റോഡ് സുരക്ഷാ അതോറിറ്റി അഭ്യർത്ഥിച്ചു. വാഹനമോടിക്കുന്നവർ വെള്ളം കയറിയ റോഡുകൾ ഒഴിവാക്കണമെന്നും മറ്റൊരു വഴി തിരഞ്ഞെടുക്കണമെന്നും അതോറിറ്റി പറയുന്നു.
ഫെർമനാഗ്, ടൈറോൺ, ഡെറി എന്നിവിടങ്ങളിൽ മഞ്ഞ ഇടിമിന്നൽ മുന്നറിയിപ്പ് നൽകിയിട്ടുണ്ട്.ആ മുന്നറിയിപ്പ് ഉച്ചയ്ക്ക് 1 മണി മുതൽ നിലവിലുണ്ട്, ഇന്ന് രാത്രി 9 മണി വരെ സാധുവായി തുടരും.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
