തിരുവനന്തപുരം: സംസ്ഥാനത്ത് ഇന്ന് 8 പേര്ക്ക് കൂടി കൊവിഡ് ബാധ സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. ഇതോടെ 314 പേര്ക്ക് സംസ്ഥാനത്ത് രോഗം സ്ഥിരീകരിച്ചു.
കോഴിക്കോട് ജില്ലയില് നിന്നും 5 പേര്ക്കും പത്തനംതിട്ട, കണ്ണൂര്, കാസര്ഗോഡ് ജില്ലകളില് നിന്നും ഓരോരുത്തര്ക്കുമാണ് രോഗം സ്ഥിരികരിച്ചത്.
കോഴിക്കോട് ജില്ലയില് രോഗം ബാധിച്ചവരില് 4 പേര് നിസാമുദ്ദീനില് നിന്ന് സമ്മേളനം കഴിഞ്ഞു വന്നവരാണ്. ഒരാള് ദുബായില് നിന്നും വന്നതാണ്.
പത്തനംതിട്ടയില് രോഗം സ്ഥിരീകരിച്ചയാള് ഡല്ഹിയില് നിന്നും വന്നതാണ്. ഓരോ ആളുകള് കണ്ണൂര് കാസര്ഗോഡ്ജില്ലയില് നിന്നും വന്നവരാണ് ഇവര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
ഇതുവരെ നിസാമുദ്ദീനില് നിന്നും വന്ന 10 പേര്ക്കാണ് രോഗം സ്ഥിരീകരിച്ചിട്ടുള്ളതെന്നും ആരോഗ്യമന്ത്രി അറിയിച്ചു.
6 പേരുടെ പരിശോധനാ ഫലം ഇന്ന് നെഗറ്റീവ് ആയി. കണ്ണൂര് ജില്ലയില് നിന്നും 4 പേരുടെയും തിരുവനന്തപുരം (മലപ്പുറം സ്വദേശി), കോഴിക്കോട് ജില്ലകളില് നിന്നും ഓരോരുത്തരുടേയും പരിശോധനാ ഫലമാണ് നെഗറ്റീവ് ആയത്.
നിലവില് 256 പേര് വിവിധ ആശുപത്രികളില് ചികിത്സയിലാണ്. ഇതുവരെ ആകെ 56 പേര് രോഗമുക്തി നേടി ഡിസ്ചാര്ജായി. രണ്ട് പേര് മുമ്പ് മരണമടഞ്ഞിരുന്നു.
207 ലോക രാജ്യങ്ങളില് കോവിഡ് 19 പടര്ന്ന് പിടിച്ച സാഹചര്യത്തിലും കേരളത്തില് രോഗികളുടെ എണ്ണം വര്ധിച്ച സാഹചര്യത്തിലും സംസ്ഥാനത്തെ വിവിധ ജില്ലകളിലായി 1,58,617 പേര് നിരീക്ഷണത്തിലാണെന്ന് ആരോഗ്യമന്ത്രി അറിയിച്ചു.
ഇവരില് 1,57,841 പേര് വീടുകളിലും 776 പേര് ആശുപത്രികളിലും നിരീക്ഷണത്തിലാണ്. 188 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 10,221 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 9,300 സാമ്പിളുകളുടെ പരിശോധനാ ഫലം നെഗറ്റീവ് ആണ്.
