സിഡ്നി: ടി20 ലോകകപ്പില് സൂപ്പര് 12വിലെ രണ്ടാം പോരാട്ടത്തില് നെതര്ലന്ഡ്സിനെതിരെ ഇന്ത്യക്ക് 56 റണ്സിന്റെ തകര്പ്പന് ജയം. 180 റണ്സ് വിജയലക്ഷ്യം പിന്തുടര്ന്നിറങ്ങി നെതര്ലന്ഡ്സിന് 20 ഓവറില് ഒമ്പത് വിക്കറ്റ് നഷ്ടത്തില് 123 റണ്സെടുക്കാനെ കഴിഞ്ഞുള്ളു. 15 പന്തില് 20 റണ്സെടുത്ത ടിം പ്രിംഗിളാണ് നെതര്ലന്ഡ്സിന്റെ ടോപ് സ്കോറര്. ഇന്ത്യക്കായി ഭുവനേശ്വര് കുമാറും അക്സര് പട്ടേലും ആര് അശ്വിനും രണ്ട് വിക്കറ്റ് വീതം വീഴ്ത്തി. ജയത്തോടെ ഗ്രൂപ്പ് രണ്ടില് രണ്ട് കളികളില് രണ്ട് ജയത്തോടെ നാലു പോയന്റുമായി ഇന്ത്യ ദക്ഷിണാഫ്രിക്കയെ മറികടന്ന് ഒന്നാം സ്ഥാനത്തെത്തി.
