gnn24x7

ഡാളസ് കേരള അസ്സോസിയേഷന്‍ ക്രിസ്തുമസ്പുതുവത്സരാഘോഷം ജനുവരി 4ന് – പി.പി. ചെറിയാന്‍

0
283
gnn24x7

ഡാളസ്: കേരള അസ്സോസിയേഷന്‍ ഓഫ് ഡാളസ് ക്രിസ്തുമസ് പുതുവത്സരാഘോഷം ജനുവരി 4ന് ഗാര്‍ലന്റ് സെന്റ് തോമസ് കാത്തലിക് ചര്‍ച്ച് ഓഡിറ്റോറിയത്തില്‍വെച്ചു നടത്തപ്പെടുന്നു.

പ്രസിഡന്റ് റോയ് കൊടുവത്തിന്റെ അദ്ധ്യക്ഷതയില്‍ വൈകീട്ട് ആറുമണിക്ക് ആരംഭിക്കുന്ന ആഘോഷ പരിപാടികളില്‍ പ്രിന്‍സ് സഖറിയ (സി.പി.എ.) ക്രിസ്തുമസ് സന്ദേശം നല്‍കും.

സ്‌പെല്ലിംഗ് ബീ സ്പീച്ച് കോംപറ്റീഷന്‍ മത്സരങ്ങളില്‍ വിജയിച്ചവര്‍ക്കുള്ള പ്രത്യേക അവാര്‍ഡുകള്‍ ചടങ്ങില്‍ വെച്ചു വിതരണം ചെയ്യും. അടുത്ത രണ്ടു വര്‍ഷത്തേക്ക് തിരഞ്ഞെടുക്കപ്പെട്ട പുതിയ ഭരണ സമിതി സത്യപ്രതിജ്ഞ ചെയ്തു ചുമതലയേല്‍ക്കും.
വിവിധ കലാപരിപാടികളും, ക്രിസ്തുമസ് ഡിന്നറും ക്രമീകരിച്ചിട്ടുണ്ടെന്ന് സംഘാടകര്‍ അറിയിച്ചു.

പ്രവേശനം സൗജന്യമാണ്. അനശ്വര്‍ മാംമ്പിള്ളിയാണ് പരിപാടികള്‍ കോര്‍ഡിനേറ്റ് ചെയ്യുന്നതെന്ന് സെക്രട്ടറി ഡാനിയേല്‍ കുന്നേല്‍ അറിയിച്ചു.

gnn24x7

LEAVE A REPLY

Please enter your comment!
Please enter your name here