അയർലണ്ടിൽ താമസിക്കുന്ന, Irish Residence Permit (IRP) കാർഡിന്റെ കാലാവധി കഴിഞ്ഞ വിദേശ പൗരന്മാർക്ക് താൽക്കാലിക യാത്രാ ഇളവ് പ്രഖ്യാപിച്ച് നീതിന്യായ, ആഭ്യന്തരകാര്യ, കുടിയേറ്റ വകുപ്പ്. 2026 ജൂലൈ 13 മുതൽ ഓഗസ്റ്റ് 31 വരെ അന്താരാഷ്ട്ര യാത്ര നടത്തുന്ന അർഹരായവർക്ക് കാലാവധി കഴിഞ്ഞ IRP കാർഡ് ഉപയോഗിച്ച് അയർലണ്ടിലേക്ക് മടങ്ങിവരാൻ അനുമതിയുണ്ടാകും.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
ഈ ഇളവ് ലഭിക്കാൻ IRP കാലാവധി അവസാനിക്കുന്നതിന് മുമ്പ് തന്നെ പുതുക്കലിനുള്ള അപേക്ഷ സമർപ്പിച്ചിരിക്കണം. അപേക്ഷയുടെ രസീതും OREG നമ്പറും കൈവശം കരുതേണ്ടതാണ്. കാലാവധി കഴിഞ്ഞ ശേഷമാണ് പുതുക്കലിന് അപേക്ഷ നൽകിയതെങ്കിൽ ഈ ഇളവ് ബാധകമല്ല. അതേസമയം, Single-entry visa ഉള്ളവർക്ക് ഈ ഇളവ് ബാധകമല്ല. അത്തരക്കാർ അയർലണ്ടിലേക്ക് തിരിച്ചെത്താൻ പ്രത്യേക re-entry visa നേടേണ്ടതുണ്ട്. എന്നാൽ സാധുവായ multi-entry visa ഉള്ളവർക്ക് യാത്ര തുടരാം.
യാത്ര ചെയ്യുന്നവർ കാലാവധി കഴിഞ്ഞ IRP കാർഡ്, പുതുക്കൽ അപേക്ഷയുടെ തെളിവ്, കൂടാതെ ഈ Travel Confirmation Notice-ന്റെ പ്രിന്റ് പകർപ്പ് എന്നിവ വിമാനക്കമ്പനികൾക്കും കുടിയേറ്റ ഉദ്യോഗസ്ഥർക്കും ആവശ്യപ്പെട്ടാൽ ഹാജരാക്കണമെന്ന് വകുപ്പ് നിർദേശിച്ചു. IRP പുതുക്കൽ നടപടികളിൽ ഉണ്ടാകുന്ന കാലതാമസം മൂലം യാത്രാ തടസ്സം നേരിടുന്നവർക്ക് ആശ്വാസമാകുന്ന താൽക്കാലിക ക്രമീകരണമാണിത്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
