ന്യൂയോർക്കിൽ സ്കൂൾ ബസ് വാതിലിൽ ബാക്ക്പാക്ക് കുടുങ്ങി അഞ്ച് വയസ്സുകാരൻ റോഡിലൂടെ വലിച്ചിഴയ്ക്കപ്പെട്ട സംഭവത്തിൽ വനിതാ ഡ്രൈവർ അറസ്റ്റിൽ. ക്ലിന്റൺ സെൻട്രൽ സ്കൂൾ ഡിസ്ട്രിക്ടിലെ ഡ്രൈവറായ താഷ വാൻ ഡെയ്ൻ (37) ആണ് അറസ്റ്റിലായത്.
സ്കൂളിൽ നിന്നെത്തിച്ച കുട്ടികളെ ഇറക്കുന്നതിനിടയിൽ, അവസാനമായി ഇറങ്ങിയ കുട്ടിയുടെ ബാഗ് ബസ്സിന്റെ വാതിലിൽ കുടുങ്ങുകയായിരുന്നു. ഇത് ശ്രദ്ധിക്കാതെ ഡ്രൈവർ വാതിലടച്ച് വാഹനം മുന്നോട്ട് എടുത്തതോടെ കുട്ടി കുറച്ചധികം ദൂരം റോഡിലൂടെ വലിച്ചിഴയ്ക്കപ്പെട്ടു.
കുട്ടിയ്ക്ക് നിസ്സാര പരിക്കുകൾ മാത്രമാണുള്ളത്. എങ്കിലും സംഭവത്തിന്റെ ആഘാതം കുട്ടിയെയും ബസ്സിലുണ്ടായിരുന്ന മറ്റ് വിദ്യാർത്ഥികളെയും മാനസികമായി തളർത്തിയിട്ടുണ്ട്.
അശ്രദ്ധയോടെ വാഹനമോടിച്ചതിന് (Second-degree reckless endangerment) ഡ്രൈവറെതിരെ പോലീസ് കേസെടുത്തു. നവംബർ 16-ന് കോടതിയിൽ ഹാജരാക്കും. ഈ ഡ്രൈവറെ ഇനി വിദ്യാർത്ഥികളുടെ സർവീസിൽ നിന്ന് മാറ്റിനിർത്തുമെന്ന് സ്കൂൾ അധികൃതർ അറിയിച്ചു.
റിപ്പോർട്ട്: പി പി ചെറിയാൻ
https://www.instagram.com/gnn24x7.ie?igsh=YzljYTk1ODg3Zg==
Please join
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
വാർത്തകൾ വായിക്കുക
https://chat.whatsapp.com/Kf08R3ou9gF8zRa3kWEANh?s=cl&p=a&mlu=4&ilr=4
