കൊച്ചി: സ്വര്ണക്കടത്തിലെ കസ്റ്റംസ് കേസില് മുഖ്യപ്രതികളില് ഒരാളായ കെ.ടി റമീസിന് ജാമ്യം. കൊച്ചിയിലെ സാമ്പത്തിക കുറ്റാന്വേഷണ കോടതിയാണ് ജാമ്യം അനുവദിച്ചത്.
കര്ശന ഉപാധികളോടെയാണ് കോടതി റമീസിന് ജാമ്യം നല്കിയത്. 2 ലക്ഷം രൂപയുടെ ബോണ്ടും ആള്ജാമ്യവും ഒപ്പം തന്നെ എല്ലാ തിങ്കളാഴ്ചയും അന്വേഷണ ഉദ്യോഗസ്ഥന് മുന്പാകെ ഹാജരാകണമെന്നും കോടതി പറഞ്ഞു.
കുറ്റപത്രം സമര്പ്പിക്കും വരെയോ അല്ലെങ്കില് മൂന്ന് മാസം വരെയങ്കിലും അന്വേഷണ ഉദ്യോഗസ്ഥന് മുന്നില് ഹാജരാകണമെന്നും. പാസ്പോര്ട്ട് കെട്ടിവക്കണമെന്നും ജാമ്യഉപാധിയില് പറയുന്നുണ്ട്.
അതേസമയം കസ്റ്റംസ് രജിസ്റ്റര് ചെയത് കേസില് ജാമ്യം ലഭിച്ചെങ്കിലും എന്.ഐ.എയുടെ കേസില് കസ്റ്റഡി തുടരുന്നതിനാല് റമീസിന് പുറത്തിറങ്ങാന് ആവില്ല.
സ്വര്ണക്കള്ളക്കടത്ത് കേസില് സരിത്ത്, സന്ദീപ് എന്നിവരുമായി അടുത്ത ബന്ധം പുലര്ത്തുകയും സ്വര്ണം വില്ക്കുന്നതിന് ഇടനിലക്കാരനായി പ്രവര്ത്തിക്കുകയും ചെയ്ത വ്യക്തിയാണ് റമീസ് എന്നാണ് അന്വേഷണ സംഘം പറയുന്നത്.
സരിത്തിന്റെ മൊഴിയനുസരിച്ചായിരുന്നു നേരത്തെ വീട്ടില് നിന്ന് കസ്റ്റംസ് സംഘം റമീസിനെ കസ്റ്റഡിയിലെടുത്തത്.
