തിരുവനന്തപുരം: സംസ്ഥാനത്ത് സ്കൂളുകള് തുറക്കുന്നതുമായി ബന്ധപ്പെട്ട പ്രായോഗികത പരിശോധിക്കാന് വിദഗ്ധ സമിതിയെ നിയോഗിക്കുമെന്ന് വിദ്യാഭ്യാസ മന്ത്രി വി. ശിവന്കുട്ടി. പ്ലസ് വണ് പരീക്ഷയുമായി ബന്ധപ്പെട്ട് ക്ലാസ് മുറികള് ശുചീകരിക്കുന്നതിന്റെ ഉദ്ഘാടനത്തിന് എത്തിയപ്പോഴാണ് മന്ത്രി ഇക്കാര്യം മാധ്യമങ്ങളോട് പറഞ്ഞത്.
സ്കൂളുകള് തുറക്കാമെന്ന അഭിപ്രായമാണ് വിദഗ്ധര് മുന്നോട്ടുവച്ചതെന്നും വിദഗ്ധ സമിതിയുടെ റിപ്പോര്ട്ട് വന്ന ശേഷം മുഖ്യമന്ത്രിയുമായി ചര്ച്ച നടത്തി തീരുമാനമെടുക്കുമെന്നും മന്ത്രി ശിവന്കുട്ടി പറഞ്ഞു. വിദഗ്ധ സമിതിയുടെ റിപ്പോര്ട്ടും വിദ്യാഭ്യാസ വകുപ്പിന്റെ പ്രോജക്ട് റിപ്പോര്ട്ടും മുഖ്യമന്ത്രിക്ക് സമര്പ്പിക്കും. മുഖ്യമന്ത്രി സമിതിയുമായി തീരുമാനിച്ച് ബാക്കി കാര്യങ്ങള് തീരുമാനിക്കുമെന്ന് മന്ത്രി വി ശിവന് കുട്ടി പറഞ്ഞു.
