തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തില് സംസ്ഥാനത്ത് ഏര്പ്പെടുത്തിയിരുന്ന നിരോധനാജ്ഞ ഇന്ന് അവസാനിക്കുകയാണ്. ഈ സന്ദര്ഭത്തില് കോവിഡ് വ്യാപനം രൂക്ഷമായ അഞ്ചു ജില്ലകളില് മാത്രം നിരോധനാജ്ഞ നവംബര് 15 വരെ നീട്ടിയതായി സംസ്ഥാന സര്ക്കാര് അറിയിച്ചു.
എറണാകുളം, ആലപ്പുഴ, പത്തനംതിട്ട, വയനാട്, മലപ്പുറം എന്നീ ജില്ലകളിലെ നിരോധനാജ്ഞയാണ് നവംബര് 15 വരെ നീട്ടിയത്. കോവിഡ് വ്യാപനത്തിന്റെ തോതില് വലിയ മാറ്റങ്ങള് നിഴലിക്കാത്തതുകൊണ്ടും ദിനംപ്രതിയുള്ള രോഗികളുടെ എണ്ണത്തിലുള്ള വര്ധനവും കണക്കിലെടുത്താണ് ഈ വിജ്ഞാപനം നവംബര് 15 വരെ നീട്ടിയത്.
എന്നാല് തിരുവനന്തപുരത്ത് ഇപ്പോഴും എന്തു ചെയ്യണമെന്ന കാര്യത്തില് വ്യക്തത വന്നിട്ടില്ലെന്ന് അധികാരികള് അറിയിച്ചു. ഇന്ന് ഉച്ചയോടെ തിരുവനന്തപുരം ജില്ലയുടെ കാര്യത്തില് വ്യക്തത വരുത്തുമെന്ന് ജില്ലാകളക്ടര് അറിയിച്ചിട്ടുണ്ട്. അതേസമയം തൃശ്ശൂരിലെ കോവിഡ് വ്യാപനം സൂപ്പര് സ്പ്രെഡിന്റെ വക്കിലെത്തി നില്ക്കുന്ന സാഹചര്യത്തില് തൃശ്ശൂര് ജില്ലയ്ക്കും നവബര് 15 വരെ നിരോധനാജ്ഞ നീട്ടിയതായി ജില്ലാ കളക്ടര് അറിയിച്ചു.
