ബർലിൻ: 163 യാത്രക്കാരുമായി പോകുകയായിരുന്ന ടർക്കിയുടെ യാത്രാവിമാനം പെഗാസസിന്റെ ടയറിനു ലാൻഡിങ്ങിനിടെ തീപിടിച്ചു. ജർമനിയിലെ ഡ്യൂസ്സൽ ഡോർഫ് വിമാനത്താവളത്തിൽ ആയിരുന്നു സംഭവം. പൈലറ്റിന്റെ നിർദേശത്തെ തുടർന്ന് ഉടൻ തന്നെ യാത്രക്കാരെല്ലാവരും എമർജൻസി വാതിലിലൂടെ പുറത്തിറങ്ങി. അഗ്നിശമന സേനാ ഉദ്യോഗസ്ഥരെത്തി ഉടൻ തീയണച്ചതിനാൽ വൻ ദുരന്തം ഒഴിവായി.
കഴിഞ്ഞ ഏഴിന് പെഗാസസിന്റെ യാത്രാവിമാനം ടർക്കിയിലെ ഈസ്താംബൂൾ വിമാനത്താവളത്തിൽ തകർന്നു വീണതിനെ തുടർന്ന് മൂന്നു പേർ മരിക്കുകയും 179 പേർക്കു പരുക്കേൽക്കുകയും ചെയ്തിരുന്നു.