പാലാ: ഇന്ത്യൻ മെഡിക്കൽ അസോസിയേഷന്റെ ( ഐ.എം.എ) ഇമേജ് പരിസ്ഥിതിമിത്ര സംസ്ഥാന അവാർഡ് പാലാ മാർ സ്ലീവാ മെഡിസിറ്റിക്കു ലഭിച്ചു. തിരുവല്ലയിൽ നടന്ന ഐ.എം.എ സംസ്ഥാന കോൺഫറൻസിൽ ആശുപത്രി മാനേജിങ് ഡയറക്ടർ മോൺ.ഡോ.ജോസഫ് കണിയോടിക്കൽ സംസ്ഥാനതലത്തിൽ ഒന്നാം സ്ഥാനത്തിനുള്ള പുരസ്‌കാരം ഐ.എം.എ സംസ്ഥാന പ്രസിഡന്റ് ഡോ.സുൾഫി നൂഹിൽ നിന്ന് ഏറ്റുവാങ്ങി. ആശുപത്രി മാലിന്യങ്ങൾ ശാസ്ത്രീയമായി വേർതിരിക്കുന്നതിനും സംസ്ക്കരിക്കുന്നതിനുമുള്ള മികവാണ് പാലാ മാർ സ്ലീവാ മെഡിസിറ്റിയെ പരിസ്ഥിതിമിത്ര സംസ്ഥാന അവാർഡിനു അർഹമാക്കിയത്. സംസ്ഥാനത്തെ വിവിധ ആശുപത്രികളെയാണ് അവാർഡിനായി പരിഗണിച്ചത്. 650 കിടക്കകളുള്ള മാർ സ്ലീവാ മെഡിസിറ്റിയിൽ ആധുനിക സംവിധാന ങ്ങളോടെയാണ് പരിസ്ഥിതി സൗഹാർദ്ധമായി മാലിന്യ സംസ്കരണ പ്രവർത്തനങ്ങൾ നടന്നു വരുന്നത്.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക
https://chat.whatsapp.com/Fvb5dzrOEnRCV2ReS4R7Gb
