യുനൈറ്റഡ് നേഷൻസ്: യു.എൻ രക്ഷാസമിതിയിൽ ഇന്ത്യക്ക് താൽകാലിക അംഗത്വം. ജനറൽ അസംബ്ലിയിലെ 193 അംഗങ്ങളിൽ 184 വോട്ട് നേടിയാണ് ഇന്ത്യ എതിരില്ലാതെ തെരഞ്ഞെടുക്കപ്പെട്ടത്. ഇന്ത്യക്കൊപ്പം അയർലൻഡ്, മെക്സിക്കോ, നോർവേ എന്നീ രാജ്യങ്ങളും വിജയിച്ചു.
രണ്ടുവർഷത്തേക്കാണ് താൽക്കാലിക അംഗങ്ങളുടെ കാലാവധി. ഏഷ്യ-പസഫിക് വിഭാഗത്തിലാണ് ഇന്ത്യ തെരഞ്ഞെടുക്കപ്പെട്ടത്. നേരത്തേ 1950-51, 1967-68, 1972-73, 1977-1978, 1984-1985, 1991-1992, 2011-2012 എന്നീ വർഷങ്ങളിൽ ഇന്ത്യ രക്ഷാസമിതിയിലേക്ക് തെരഞ്ഞെടുക്കപ്പെട്ടിരുന്നു.
