വിശക്കുമ്പോൾ ഭക്ഷണം ഓർഡർ ചെയ്താൽ ഉടൻ അവർ എത്തും; ആവിപറക്കുന്ന ഇഷ്ടവിഭവവുമായി. മാത്രമല്ല ഭക്ഷണത്തിന്റെ ഒപ്പം മറ്റൊരുകാര്യം കൂടിയുണ്ടാവും. എന്താന്നല്ലേ? കോവിഡ് പ്രതിസന്ധിക്കാലത്ത് ബിസിനസിന് ഡിമാൻഡ് കൂട്ടാൻ ഓൺലൈൻ ഭക്ഷണം ഡെലിവറി ചെയ്യാനായി ഷർട്ട് ധരിക്കാത്ത ബോഡി ബിൽഡർമാരെ ഏർപ്പെടുത്തിയിരിക്കുകയാണ് ജപ്പാനിലെ ഒരു സുഷി റെസ്റ്റോറന്റ്.
ഡെലിവറി മാക്കോ എന്ന് പേരിട്ടിരിക്കുന്ന സേവനം ലഭ്യമായ ഭക്ഷണശാലയുടെ നടത്തിപ്പുകാരൻ ഒരു ബോഡിബിൽഡർ ആണെന്നതാണ് പ്രത്യേകത. ഭക്ഷണം ഡെലിവറി ചെയ്താൽ ഇവർ ഷർട്ടിടാതെ ബോഡി മസിലുകൾ കൊണ്ടുള്ള പ്രകടനം നടത്തിയ ശേഷമേ മടങ്ങൂ.
പാൻഡെമിക് കാലത്ത് ജിമ്മുകൾ അടച്ചിട്ട സാഹചര്യത്തിൽ ബോഡിബിൽഡർമാരായ തന്റെ സുഹൃത്തുക്കളെ റെസ്റ്റോറന്റ് ഉടമയായ സിഗുറാ ഭക്ഷണ ഡെലിവെറിക്കായി വിളിക്കുകയായിരുന്നു.
പക്ഷെ മാക്കോ പടയുടെ സേവനം ലഭ്യമാകണമെങ്കിൽ കുറഞ്ഞത് 7000 യെന്നനിന്റെ (ഏകദേശം 4826 രൂപ) ഓർഡർ നൽകണം. എന്തായാലും സംഭവം ഇന്റർനെറ്റിൽ ചർച്ചയായിക്കഴിഞ്ഞു.
