ദോഹ: ദോഹ വിമാനത്താവളത്തിൽ നവജാത ശിശുവിനെ ഉപേക്ഷിച്ച നിലയിൽ കണ്ടെത്തിയതിനെത്തുടർന്ന് ഒരു ഡസനിലധികം വനിതാ യാത്രക്കാരെ അടുത്തിടെ പ്രസവിച്ചതിന്റെ സൂചനകൾക്കായി നഗ്‌നരാക്കി പരിശോധിച്ചു. സംഭവം നടന്നത് ഹമദ് അന്താരാഷ്ട്ര വിമാനത്താവളത്തിലാണ്. 13 ഓസ്‌ട്രേലിയക്കാരെ ഉൾപ്പെടെ വിമാനങ്ങളിൽ നിന്ന് നീക്കം ചെയ്യുകയും തടങ്കലിൽ വയ്ക്കുകയും പരിശോധനയ്ക്ക് വിധേയരാക്കുകയും ചെയ്തു.
ഖത്തർ എയർവേയ്‌സ് വിമാനത്തിലെ പ്രായപൂർത്തിയായ എല്ലാ സ്ത്രീകളും ശരീരം തിരയുന്നതിനായി ഇറങ്ങണമെന്ന് ആവശ്യപ്പെട്ടിരുന്നുവെന്ന് രണ്ട് സ്ത്രീകൾ ഓസ്‌ട്രേലിയൻ ബ്രോഡ്കാസ്റ്റിംഗ് കോർപ്പറേഷനോട് (എബിസി) പറഞ്ഞു. ഒക്ടോബര്‍ 2 ന്, ദോഹയില്‍ നിന്ന് സിഡ്നിയിലേക്കുള്ള ഫ്ലൈറ്റ് ക്യുആര്‍ 908 വിമാനത്തിലെ സ്ത്രീകള്‍ക്കായിരുന്നു ഈ ദുരനുഭവം ഉണ്ടായത്.
ഇതുവരെ കുഞ്ഞിന്റെ മാതാപിതാക്കളെ കുറിച്ച് അറിവൊന്നും ലഭിച്ചിട്ടില്ലെന്നും കുഞ്ഞിനെക്കുറിച്ച്‌ അറിയാവുന്നവര്‍ മുന്നോട്ടുവരണമെന്നും വിമാനത്താവളം അധികൃതര്‍ അറിയിച്ചു.സംഭവത്തില്‍ ഖത്തര്‍ അധികൃതരോട് ഓസ്‌ട്രേലിയൻ സര്‍ക്കാര്‍ കടുത്ത ആശങ്ക രേഖപ്പെടുത്തി.
