ഒക്ടോബറിൽ പ്രഖ്യാപിച്ച 2022ലെ ബജറ്റിലെ നിരവധി മാറ്റങ്ങൾ പുതുവർഷത്തിൽ ആദ്യ ആഴ്ചകളിൽ പ്രാബല്യത്തിൽ വരും. സാമൂഹ്യക്ഷേമം, ഇന്ധന വില, ശിശുപരിപാലനം, പാൻഡെമിക് പിന്തുണ, ആരോഗ്യ സംരക്ഷണം, തുടങ്ങി ജനുവരിയിൽ ധനവിനിയോഗ മാറ്റങ്ങൾ പ്രകടമാകുന്ന നിരവധി പ്രധാന മേഖലകളുണ്ട്. പുതിയ സാമൂഹ്യക്ഷേമസൃഷ്ടിയും ആയിരക്കണക്കിന് പുതിയ ജോലിയും വിദ്യാഭ്യാസ കോഴ്സുകളും സൃഷ്ടിക്കപ്പെടും
വരും ആഴ്ചകളിൽ ബജറ്റിലെ പോസിറ്റീവ് പ്രത്യാഘാതങ്ങൾ അയർലണ്ടിലെ ആളുകൾ ശ്രദ്ധിക്കും. അതിനാൽ നിങ്ങൾ അറിയേണ്ടതെല്ലാം ഇതാ…
2022 ജനുവരി മുതൽ ഇനിപ്പറയുന്നവ പ്രാബല്യത്തിൽ വരും:
- മിനിമം വേതനം മണിക്കൂറിൽ 30c മുതൽ €10.50 വരെ ഉയരും.
- പെൻഷൻകാരുടെ പ്രതിവാര ക്ഷേമ പേയ്മെന്റുകൾ € 13 വരെ ഉയരും. കൂടാതെ, സ്റ്റേറ്റ് പെൻഷൻ €5 മുതൽ €253.30 വരെ വർദ്ധിപ്പിക്കാൻ ഒരുങ്ങുകയാണ്. ലിവിങ് അലോൺ അലവൻസ് ജനുവരി ആരംഭം മുതൽ €3 മുതൽ €22 വരെ ഉയരും.
- എല്ലാ social welfare recipientsഉം ആഴ്ചയിൽ €5 വർദ്ധനവ് കാണും.
- 23 വയസ്സുവരെയുള്ള ചെറുപ്പക്കാർ എല്ലാ പൊതുഗതാഗതത്തിനും ടിക്കറ്റിന്റെ വിലയിൽ 50 ശതമാനം കിഴിവ് ലഭിക്കും.
- സൗജന്യ ജിപി പരിചരണം ഏഴു വയസ്സുവരെയുള്ള കുട്ടികൾക്കായി വിപുലീകരിക്കും.
- 17 മുതൽ 25 വരെ പ്രായമുള്ള സ്ത്രീകൾക്ക് സൗജന്യ ഗർഭനിരോധന സംവിധാനം ഏർപ്പെടുത്തും.
- വ്യക്തിഗത നികുതി ക്രെഡിറ്റ്, എംപ്ലോയ്‌മെന്റ് ടാക്സ് ക്രെഡിറ്റ്, സ്വയം തൊഴിൽ ചെയ്യുന്നവർക്കുള്ള വരുമാന ക്രെഡിറ്റ് എന്നിവയിൽ 2 ശതമാനം വർദ്ധനവ് ജനുവരിയിൽ പ്രാബല്യത്തിൽ വരും. നികുതി സമ്പ്രദായത്തിലെ മാറ്റങ്ങൾ അർത്ഥമാക്കുന്നത് പ്രതിവർഷം € 40,000 സമ്പാദിക്കുന്ന ഒരാൾക്ക് അവരുടെ നികുതി പ്രതിവർഷം € 435 കുറയും എന്നതാണ്.
- ഡ്രഗ് റീഫണ്ട് സ്കീമിന്റെ പരിധിയും €114ൽ നിന്ന് €100 ആയി കുറയ്ക്കും.
