വെള്ളിയാഴ്ച രാത്രി ബാങ്കിംഗ് ആപ്പിൽ ഉപയോക്താക്കൾക്ക് പ്രശ്നങ്ങൾ നേരിട്ടതിനെത്തുടർന്ന്, Revolut സ്ഥാപകൻ Vlad Yatsenko 100,000 യൂറോ സംഭാവന ചെയ്യുകയും 1 മില്യൺ യൂറോ വരെ Late Late Toy Show അപ്പീലിനായി വാഗ്ദാനം ചെയ്യുകയും ചെയ്തു.
RTÉ പ്രോഗ്രാമിന്റെ പല പ്രേക്ഷകരും ആപ്പ് ക്രാഷുചെയ്യുന്നതിനാൽ ഇവന്റിനായി Revolut-ൽ സജ്ജീകരിച്ച ഒരു ഫങ്ങ്ഷനിലൂടെ പണം സംഭാവന ചെയ്യാൻ കഴിയുന്നില്ലെന്ന് പരാതിപ്പെട്ടിരുന്നു. ബ്ലാക്ക് ഫ്രൈഡേയുടെ ഫലമായി അനുഭവപ്പെട്ട തിരക്ക് മൂലമാണ് ലേറ്റ് ലേറ്റ് ടോയ് ഷോ അപ്പീലിന് മുമ്പായിപ്രശ്നങ്ങൾ ഉണ്ടായതെന്ന് മറ്റ് പ്രേക്ഷകർ അഭിപ്രായപ്പെട്ടു.
വെള്ളിയാഴ്ച രാത്രി ചില സർവീസുകൾ പൂർണമായി ലഭ്യമല്ലാതായപ്പോൾ മറ്റുള്ളവ മന്ദഗതിയിലായി. ചില ഉപഭോക്താക്കൾക്ക് ആപ്പിൽ സൈൻ ഇൻ ചെയ്യാൻ കഴിഞ്ഞില്ല, മറ്റുള്ളവർക്ക് കാർഡ് പേയ്മെന്റുകൾ നടത്താനായില്ല. ചില ഉപയോക്താക്കൾക്ക് അവരുടെ ബാങ്ക് കാർഡുകൾ വഴി പണം ട്രാൻസ്ഫർ ചെയ്യാനോ അക്കൗണ്ടുകൾ ടോപ്പ് അപ്പ് ചെയ്യാനോ കഴിയുന്നില്ലെന്നും കണ്ടെത്തി. കറൻസി വിനിമയത്തെയും ഇത് ബാധിച്ചു. കമ്പനിയുടെ സിസ്റ്റം സ്റ്റാറ്റസ് പേജ് ആറ് സേവനങ്ങളെ ഭാഗികമായെങ്കിലും തടസ്സം ബാധിച്ചതായി കാണിച്ചു.
“ നിലവിൽ ഞങ്ങളുടെ ആപ്പ് പ്രവർത്തനങ്ങളെ ബാധിക്കുന്ന പ്രശ്നങ്ങൾ ഉണ്ട്. ഇത് എത്രയും വേഗം പരിഹരിക്കാൻ ശ്രമിക്കുകയാണ്. അസൗകര്യത്തിൽ ഞങ്ങൾ ക്ഷമ ചോദിക്കുന്നു” എന്ന് Revolut ന്റെ ഔദ്യോഗിക ട്വിറ്റർ അക്കൗണ്ട് വെള്ളിയാഴ്ച പ്രഖാപിച്ചു. ആപ്പിന് 1.5 ദശലക്ഷം ഐറിഷ് ഉപഭോക്താക്കളുണ്ടെന്നാണ് ഫിൻടെക് കമ്പനി വ്യക്തമാക്കിയത്.
