റോം: കോവിഡ് 19 വൈറസ് ബാധ പടർന്നു പിടിക്കുന്നതിനിടെ ഇറ്റലി ലോക്ഡൗൺ ഈസ്റ്റർ വരെ നീട്ടി. ഈസ്റ്റർ ദിനമായ ഏപ്രിൽ 12 വരെയെങ്കിലും ലോക്ഡൗൺ തുടരേണ്ടി വരുമെന്നാണ് അധികൃതർ വ്യക്തമാക്കുന്നത്. അതേസമയം, ഇറ്റലിയിലെ കോവിഡ് ബാധിതരുടെ എണ്ണം വർധിക്കുകയാണ്.
തിങ്കളാഴ്ച 1,648 പേർക്കാണ് രോഗബാധ സ്ഥിരീകരിച്ചത്. 812 പേർ ഇറ്റലിയിൽ തിങ്കളാഴ്ച കോവിഡ് ബാധിച്ച് മരിച്ചു. ഞായറാഴ്ചയുമായി താരതമ്യം ചെയ്യുേമ്പാൾ മരണനിരക്ക് ഉയർന്നിട്ടുണ്ട്. ലോകത്തിൽ കോവിഡ് ഏറ്റവും കൂടുതൽ നാശം വിതച്ച രാജ്യങ്ങളിലൊന്നാണ് ഇറ്റലി.
അതേസമയം, തിങ്കളാഴ്ച 11 ഡോക്ടർമാർ കൂടി ഇറ്റലിയിൽ കോവിഡ് ബാധിച്ച് മരിച്ചതായി ഡോക്ടേഴ്സ് അസോസിയേഷൻ അറിയിച്ചു. ഇതോടെ രോഗബാധയേറ്റ് മരിച്ച ഡോക്ടർമാരുടെ എണ്ണം 61 ആയി.