റിലയൻസ് ഇൻഡസ്ട്രീസ് ലിമിറ്റഡിന്റെ (ആർഐഎൽ) പൂർണ ഉടമസ്ഥതയിലുള്ള സബ്സിഡിയറിയായ റിലയൻസ് ന്യൂ എനർജി സോളാർ ലിമിറ്റഡും (ആർഎൻഇഎസ്എൽ), തന്ത്രപ്രധാന നിക്ഷേപകരായ പോൾസൺ ആൻഡ് കമ്പനി, ബിൽ ഗേറ്റ്സും മറ്റ് ചില നിക്ഷേപകരും ചേർന്ന് അംബ്രി ഇൻകോർപറേഷനിൽ 144 മില്യൺ ഡോളർ നിക്ഷേപം പ്രഖ്യാപിച്ചു.
അമേരിക്കയിലെ മസാച്ചുസെറ്റ്സ് ആസ്ഥാനമായുള്ള ഊർജ സംഭരണ കമ്പനിയാണ് അംബ്രി ഇൻകോർപറേഷൻ. റിലയൻസ് ന്യൂ എനർജി സോളാർ (Solar) ലിമിറ്റഡ് അംബ്രി ഇൻകോർപറേഷനിൽ 50 മില്യൺ ഡോളർ നിക്ഷേപമാണ് നടത്തുക.
അതേസമയം റിലയൻസ് ന്യൂ എനർജി സോളാർ ലിമിറ്റഡ്, അംബ്രിയുമായി ചേർന്ന് ഇന്ത്യയിൽ വലിയ ബാറ്ററി നിർമാണ കേന്ദ്രം ആരംഭിക്കാനുള്ള ചർച്ചകൾ പുരോഗമിക്കുന്നുണ്ട്.