തൃശ്ശൂര്: ഔദ്യോഗിക കാറില് പോകുമ്പോള് പോലീസ് സല്യൂട്ട് ചെയ്യാത്തത് ചൂണ്ടിക്കാട്ടി, സല്യൂട്ട് തരാന് ഉത്തരവിറക്കണമെന്നാവശ്യപ്പെട്ട് തൃശൂര് മേയര് എം.കെ.വര്ഗീസ് ഡിജിപിക്ക് പരാതി നല്കി. പ്രോട്ടോക്കോള് പ്രകാരം ഗവര്ണര്ക്കും മുഖ്യമന്ത്രിക്കും ശേഷം മൂന്നാംസ്ഥാനമാണ് കോര്പറേഷന് മേയര്ക്കുള്ളത്.
സല്യൂട്ട് നല്കാത്ത വിഷയം പലതവണ പറഞ്ഞിട്ടും പോലീസ് മുഖം തിരിച്ചെന്നും മേയര് പറഞ്ഞു. ഇക്കാര്യത്തില് ഡിജിപിക്ക് പരാതി നല്കിയിട്ടുണ്ടെങ്കിലും മറുപടി ലഭിച്ചിട്ടില്ല. കമ്മീഷണറേയും സ്ഥലം എം.എല്.എ.യേയും കാര്യങ്ങള് ബോധിപ്പിച്ചിരുന്നെങ്കിലും ഇതുവരെ ഒരുനടപടിയും ഉണ്ടായിട്ടില്ലെന്നും അദ്ദേഹം വ്യക്തമാക്കി.
എം.കെ.വര്ഗീസിനെ ആരും ബഹുമാനിക്കേണ്ട, എന്നാല് മേയര് എന്ന സ്ഥാനത്തെ ബഹുമാനിച്ചേ മതിയാകുവെന്നും അദ്ദേഹം പറഞ്ഞു.
