കോർക്ക് പ്രവാസി മലയാളി അസോസിയേഷൻ്റെ ആഭിമുഖ്യത്തിൽ സംഘടിപ്പിച്ചിരിക്കുന്ന ഓണാഘോഷം പുതുമകൾ കൊണ്ട് ശ്രദ്ധേയമാകുന്നു. 2026 ആഗസ്റ്റ് 29ന് Riverstick കമ്മ്യൂണിറ്റി ഹാളിൽ വച്ച് നടത്തപ്പെടുന്ന ഓണാഘോഷത്തിന് ഇന്ന് തുടക്കം കുറിക്കും. 50 ദിവസം നീണ്ടു നിൽക്കുന്ന ‘റൺ വിത്ത് മാവേലി’ എന്ന റണ്ണിംഗ് ചലഞ്ച് ആഗസ്റ്റ് 28 ന് സമാപിക്കും. പ്രത്യേകം രൂപകൽപ്പന ചെയ്ത മൊബൈൽ ആപ്പ് വഴി താത്പര്യമുള്ള എല്ലാവർക്കും മത്സരത്തിൽ പങ്കെടുത്ത്, ഏറ്റവും കൂടുതൽ സ്റ്റെപ്പുകൾ നേടി വിജയിക്കുന്നവർക്ക് ആകർഷകമായ സമ്മാനങ്ങൾ നേടാനാവുമെന്ന് ഇവൻ്റ് കോർഡിനേറ്റർ രാഹുൽ ബാബു അറിയിച്ചു. കോർക്കിലെ പാചകപ്രേമികൾ മാറ്റുരയ്ക്കുന്ന പായസമേള ഓഗസ്റ്റ് 15 ആം തീയതി നടത്തപ്പെടും. മേളയിൽ പങ്കെടുത്തു വിജയികളാകുന്നവർക്ക് ആകർഷകമായ സമ്മാനങ്ങളാണ് കാത്തിരിക്കുന്നത്.
Tilex ടൈറ്റിൽ സ്പോൺസർ ആയി അവതരിപ്പിക്കുന്ന ‘ഒന്നിച്ചോണം പൊന്നോണം’ ആഘോഷത്തിന് അത്തപ്പൂക്കളമൽസരം, സൗഹൃദ വടംവലി, കുട്ടികളുടെ ഓണക്കളികൾ എന്നിവയുണ്ടായിരിക്കും. ഇന്ത്യൻ സ്പൈസ് കിച്ചൻ ഒരുക്കുന്ന വിഭവസമൃദ്ധമായ ഓണസദ്യക്ക് ശേഷം മാവേലിയെ വരവേൽക്കൽ, വഞ്ചിപ്പാട്ട്, കലാപരിപാടികൾ എന്നിവ അരങ്ങേറും. വൈകുന്നേരം JC Mortages സ്പോൺസർ ചെയ്യുന്ന ഗംഭീരമായ M50 മ്യൂസിക് നൈറ്റോടുകൂടി ഈ വർഷത്തെ ഓണാഘോഷപരിപാടികൾക്ക് തിരശീല വീഴും.
ഓണാഘോഷങ്ങളുടെ പ്രവേശന ടിക്കറ്റുകൾ ഇപ്പൊൾ മുതൽ ഓൺലൈനിൽ ലഭ്യമാണ്:
https://cpma.sumupstore.com/products
പങ്കെടുക്കാവുന്നവരുടെ എണ്ണത്തിന് പരിമിതിയുള്ളതുകൊണ്ട് താത്പര്യമുള്ളവർ എത്രയും പെട്ടന്ന് ബുക്ക് ചെയ്യണമെന്ന് ഭാരവാഹികൾ അഭ്യർത്ഥിച്ചു. കൂടുതൽ വിവരങ്ങൾക്ക് കോർക്ക് പ്രവാസിയെ ബന്ധപ്പെടുക: 087 482 7897.
Follow Us on Instagram!
GNN24X7 IRELAND :
https://www.instagram.com/gnn24x7.ie?igsh=YzljYTk1ODg3Zg==
Please join
https://chat.whatsapp.com/DMcx9ffd8nI5hZfAUsl96s?mode=hqrt3
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Fvb5dzrOEnRCV2ReS4R7Gb
