യൂറോപ്യൻ യൂണിയനിലെ (EU) വേതന സുതാര്യതാ നിയമം (Pay Transparency Directive) നടപ്പാക്കുന്നതിൽ അംഗരാജ്യങ്ങൾ വരുത്തുന്ന കാലതാമസം കാരണം വനിതാ തൊഴിലാളികൾക്ക് പ്രതിവർഷം ശതകോടിക്കണക്കിന് യൂറോയുടെ വരുമാന നഷ്ടമുണ്ടാകുന്നതായി പുതിയ പഠനം. യൂറോപ്യൻ ട്രേഡ് യൂണിയൻ ഇൻസ്റ്റിറ്റ്യൂട്ട് (European Trade Union Institute – ETUI) പുറത്തുവിട്ട പഠനമാണ് ഇക്കാര്യം വ്യക്തമാക്കുന്നത്.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
സ്ത്രീ-പുരുഷ വേതന വിവേചനം അവസാനിപ്പിക്കാനും യൂറോപ്യൻ യൂണിയനിലെ ജെൻഡർ പേ ഗ്യാപ് (Gender Pay Gap) കുറയ്ക്കാനുമാണ് EU Pay Transparency Directive ലക്ഷ്യമിടുന്നത്. പുതിയ നിയമപ്രകാരം തൊഴിലുടമകൾ ജീവനക്കാരുടെ വേതന വിവരങ്ങൾ കൂടുതൽ സുതാര്യമാക്കേണ്ടതും, സ്ഥാപനത്തിലെ സ്ത്രീ-പുരുഷ വേതന വ്യത്യാസം 5 ശതമാനത്തിൽ കൂടുതലാണെങ്കിൽ അത് പരിഹരിക്കാൻ നടപടികൾ സ്വീകരിക്കേണ്ടതുമാണ്.
ഈ നിയമം 2026 ജൂൺ 7-നകം അംഗരാജ്യങ്ങൾ ദേശീയ നിയമമാക്കി നടപ്പാക്കേണ്ടതായിരുന്നു. എന്നാൽ അയർലണ്ട് ഉൾപ്പെടെ ഭൂരിഭാഗം EU രാജ്യങ്ങളും ഈ സമയപരിധി പാലിച്ചില്ല. ETUIയുടെ പഠനമനുസരിച്ച്, വേതന സുതാര്യതയിലൂടെ സ്ത്രീ-പുരുഷ വേതന വ്യത്യാസം 10 ശതമാനം കുറയുകയാണെങ്കിൽ, ശരാശരി ഒരു വനിതാ തൊഴിലാളിക്ക് പ്രതിവർഷം 672 യൂറോ അധിക വരുമാനം ലഭിക്കുമായിരുന്നു. നിയമം വൈകുന്നതിനാൽ ഈ അധിക വരുമാനമാണ് അവർക്ക് നഷ്ടമാകുന്നത്.
EU Pay Transparency Directive ബാധകമായ സ്ഥാപനങ്ങളിൽ ജോലി ചെയ്യുന്ന ഏകദേശം 4.3 കോടി വനിതാ തൊഴിലാളികൾക്ക് ആകെ പ്രതിവർഷം 2800 കോടി യൂറോയിലധികം (28 ബില്യൺ യൂറോ) നഷ്ടമുണ്ടാകുന്നതായും പഠനം ചൂണ്ടിക്കാട്ടുന്നു. യൂറോപ്യൻ ട്രേഡ് യൂണിയൻ കോൺഫെഡറേഷൻ (ETUC) അംഗരാജ്യങ്ങൾ നിയമം എത്രയും വേഗം നടപ്പാക്കണമെന്ന് ആവശ്യപ്പെട്ടു. അതേസമയം, വേതന സുതാര്യതാ നിയമം ഘട്ടംഘട്ടമായി നടപ്പാക്കുമെന്നാണ് ഐറിഷ് സർക്കാർ അറിയിച്ചിരിക്കുന്നത്. അതുവരെ നിയമം പാലിക്കാത്ത തൊഴിലുടമകൾക്കെതിരെ ശിക്ഷാനടപടികൾ ഉണ്ടാകില്ലെന്നും സർക്കാർ വ്യക്തമാക്കിയിട്ടുണ്ട്.
ചിൽഡ്രൻ, ഡിസബിലിറ്റി ആൻഡ് ഇക്വാലിറ്റി വകുപ്പ് അറിയിച്ചതനുസരിച്ച്, നിലവിലുള്ള ജെൻഡർ പേ ഗ്യാപ് നിയമങ്ങളിലൂടെ Pay Transparency Directive-ന്റെ വലിയൊരു ഭാഗം ഇതിനകം നടപ്പാക്കിയിട്ടുണ്ട്. ശേഷിക്കുന്ന വ്യവസ്ഥകളും എത്രയും വേഗം ദേശീയ നിയമത്തിലേക്ക് ഉൾപ്പെടുത്തുന്നതിനുള്ള നടപടികൾ പുരോഗമിക്കുകയാണെന്നും വകുപ്പ് അറിയിച്ചു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
