അയർലണ്ടിലെ Help-to-Buy (HTB) പദ്ധതിയിലൂടെ 2021-ൽ ലഭിച്ച €30,000 ഗ്രാന്റും പലിശയും ചേർത്ത് €38,186 തിരികെ അടയ്ക്കാൻ, അയർലണ്ട് പ്രവാസിക്ക് Revenue നിർദേശം നൽകിയ സംഭവമാണ് ഇപ്പോൾ വലിയ ചർച്ചയാകുന്നത്. 2021-ൽ അയർലണ്ടിൽ പുതിയ വീട് വാങ്ങാൻ HTB ഗ്രാന്റ് നേടിയ വ്യക്തിക്ക്, 2012 മുതൽ യുകെയിൽ ഒരു താമസവീട് സ്വന്തമായിരുന്നതായി Revenue പിന്നീട് കണ്ടെത്തി. ഇതോടെ അവർ “First-Time Buyer” അല്ല എന്ന് കണ്ടെത്തി ഗ്രാന്റ് തിരിച്ചുപിടിക്കാൻ നടപടി സ്വീകരിച്ചു. അപ്പാർട്ട്മെന്റ് വാടക നിക്ഷേപത്തിനായി വാങ്ങിയതാണെന്നും അവിടെ ഒരിക്കലും താമസിച്ചിട്ടില്ലെന്നും, Revenue വെബ്സൈറ്റിലെ വിവരങ്ങൾ തെറ്റിദ്ധരിപ്പിച്ചതാണെന്നും വാദിച്ചെങ്കിലും Tax Appeals Commission (TAC) അപ്പീൽ തള്ളുകയായിരുന്നു.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
നിരവധി ഇന്ത്യക്കാർ അയർലണ്ടിലേക്ക് ജോലി ആവശ്യത്തിനോ സ്ഥിരതാമസത്തിനോ എത്തുന്നതിന് മുമ്പ് ഇന്ത്യയിൽ സ്വന്തം പേരിലോ, ഭർത്താവിന്റെയോ ഭാര്യയുടെയോ കൂടെയുള്ള സംയുക്ത ഉടമസ്ഥതയിലോ, കുടുംബത്തോടൊപ്പം വാങ്ങിയ വീടോ ഫ്ലാറ്റോ സ്വന്തമാക്കിയിട്ടുണ്ടാകാം. ചിലർ താമസ ആവശ്യത്തിനായും മറ്റുചിലർ നിക്ഷേപ (Investment) ആവശ്യത്തിനായും ഇത്തരം സ്വത്തുകൾ വാങ്ങിയിട്ടുണ്ട്. ചിലർ ആ വീട്ടിൽ ഒരിക്കലും താമസിച്ചിട്ടില്ലെങ്കിലും അല്ലെങ്കിൽ അത് വാടകയ്ക്ക് നൽകിയിരിക്കുകയാണെങ്കിലും, അത്തരം താമസസ്വത്ത് സ്വന്തമായിരുന്നത് തന്നെ Help-to-Buy പദ്ധതിയിലെ “First-Time Buyer” യോഗ്യതയെ ബാധിക്കാം.
അതുകൊണ്ട് ഇന്ത്യയിൽ താമസയോഗ്യമായ വീട് സ്വന്തമായുള്ളവർ, അല്ലെങ്കിൽ മുൻപ് അത്തരമൊരു വീട് വാങ്ങിയിട്ടുള്ളവർ, Help-to-Buy (HTB) ഗ്രാന്റിന് അപേക്ഷിക്കുന്നതിന് മുമ്പ് തങ്ങൾ പദ്ധതിക്ക് അർഹരാണോയെന്ന് Revenue-യോടോ യോഗ്യനായ ടാക്സ്/നിയമ ഉപദേഷ്ടാവിനോടോ ഉറപ്പുവരുത്തുന്നത് വളരെ പ്രധാനമാണ്. അർഹതയില്ലാതെ ഗ്രാന്റ് ലഭിച്ചതായി പിന്നീട് കണ്ടെത്തിയാൽ, ഗ്രാന്റ് തുകയും പലിശയും തിരിച്ചടയ്ക്കേണ്ട സാഹചര്യം ഉണ്ടാകാം.
HTB ഗ്രാന്റിന് അർഹരാകാൻ അപേക്ഷകൻ:
- യഥാർത്ഥ First-Time Buyer ആയിരിക്കണം.
- അയർലണ്ടിലോ ലോകത്തിലെ മറ്റേതെങ്കിലും രാജ്യത്തിലോ താമസവീട് വാങ്ങുകയോ നിർമ്മിക്കുകയോ ചെയ്തിട്ടുണ്ടാകരുത്.
- യോഗ്യതയുള്ള പുതിയ വീട് വാങ്ങുകയോ സ്വയം നിർമ്മിക്കുകയോ വേണം.
- പദ്ധതിയുടെ നികുതി, മോർട്ട്ഗേജ് വ്യവസ്ഥകൾ പാലിച്ചിരിക്കണം.
- ഗ്രാന്റ് ലഭിച്ചതിന് ശേഷവും Revenue അപേക്ഷ വീണ്ടും പരിശോധിക്കാം.
- അർഹതയില്ലെന്ന് കണ്ടെത്തിയാൽ:
- ഗ്രാന്റിന്റെ മുഴുവൻ തുകയും
- പലിശയും (ബാധകമെങ്കിൽ) മറ്റ് നിയമപരമായ തുകയും തിരിച്ചുപിടിക്കാൻ Revenueയ്ക്ക് അധികാരമുണ്ട്.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
