തിരുവനന്തപുരം: വാളയാര് കേസിൽ മരിച്ച പെണ്കുട്ടികളുടെ വീട്ടുകാരുടെ ആവശ്യപ്രകാരം അന്വേഷണം സി.ബി.ഐക്ക് വിടാന് തീരുമാനിച്ച് സര്ക്കാര്. മുഖ്യമന്ത്രി പിണറായി വിജയനാണ് ഇക്കാര്യത്തില് നിര്ദേശം നല്കിയത്. വാളയാര് കേസില് പെണ്കുട്ടികളുടെ കുടുംബം മുഖ്യമന്ത്രിയെ സന്ദര്ശിക്കാന് എത്തിയിരുന്നു. മുഖ്യമന്ത്രിയെ കാണാന് സാധിച്ചില്ലെങ്കിലും കേസ് സിബിഐക്ക് കൈമാറണമെന്ന നിവേദനം മുഖ്യമന്ത്രിക്ക് സമർപ്പിക്കുകയും ചെയ്തു.ഇതിന്റെ തുടര്ച്ചയായാണ് കേസ് സി.ബി.ഐ.ക്ക് വിട്ടുകൊണ്ടുള്ള സര്ക്കാര് നടപടി.
ഉടന്തന്നെ കേസ് സി.ബി.ഐക്ക് കൈമാറുന്നതിനുള്ള നടപടികള് സ്വീകരിക്കാന് ആഭ്യന്തരമന്ത്രാലയത്തിന് മുഖ്യമന്ത്രി നിര്ദേശം നല്കിയിട്ടുണ്ട്. അന്വേഷണം ആവശ്യപ്പെട്ടുള്ള ശുപാര്ശ ഉടന് നല്കും.