അബുദാബി: അബുദാബിയില്‍ പുതിയ കോവിഡ് നിയന്ത്രണങ്ങള്‍ നിലവില്‍ വരുന്നു. ഇനിമുതൽ കോവിഡ് വാക്സിനെടുത്തവര്‍ക്ക് മറ്റ് എമിറേറ്റുകളില്‍ നിന്ന് അബുദാബിയില്‍ പ്രവേശിക്കാന്‍ അല്‍ഹൊസന്‍ ആപ്പില്‍ ഗ്രീന്‍ സിഗ്‌നല്‍ ആവശ്യമാണ്. വാക്സിന്‍ എടുക്കാത്തവരാണെങ്കിൽ 96 മണിക്കൂറിനുള്ളില്‍ എടുത്ത പിസിആര്‍ പരിശോധനാഫലം ഹാജരാക്കുകയും വേണം. ഡിസംബര്‍ 30നാണ് ഈ പുതിയ നിയമം നിലവില്‍ വരുന്നത്.
നിലവിലുള്ള ഇഡിഇ സ്‌കാനര്‍ പരിശോധനയ്ക്ക് പുറമേയാണ് പുതിയ നിയന്ത്രണം. അതിര്‍ത്തിയിലുള്ള ഇഡിഇ സ്‌കാനിങ്ങില്‍ റെഡ് സിഗനലാണെങ്കില്‍ ആന്റിജന്‍ ടെസ്റ്റ് നടത്തും. പോസിറ്റീവാണെങ്കില്‍ അബുദാബി എമിറേറ്റിലുള്ളവര്‍ക്ക് പ്രവേശനം നല്‍കുമെങ്കിലും ക്വാറന്റീന്‍ പൂര്‍ത്തിയാക്കണം. മറ്റ് എമിറേറ്റുകാര്‍ക്ക് പ്രവേശനം നല്‍കുകയുമില്ല.
