റോക്ക്വാള് (ഡാളസ്): രണ്ടു ചെറിയ കുട്ടികളുമായി കടയില് സാധനങ്ങള് വാങ്ങാനെത്തിയ മാതാവിനെ ആക്രമിച്ചു കവര്ച്ച നടത്തിയ കേസില് രണ്ടു യുവതികളെ വ്യാഴാഴ്ച ഡാലസ് പൊലീസ് അറസ്റ്റ് ചെയ്തു. റോക്ക്വാളിലുള്ള ലവ്സ് പാര്ക്കിംഗ് ലോട്ടിലായിരുന്ന സംഭവം.
രണ്ട് വയസ്സും ഏഴ്മാസവും പ്രായമുള്ള കുട്ടികളെ കാറില് നിന്നും പുറത്തെടുത്ത് ഷോപിംഗ്കാര്ട്ടില് വെക്കുകയായിരുന്നു. ഇതിനിടയില് മറ്റൊരു കാറില് എത്തിയ രണ്ട് യുവതികള് കാറില് നിന്നും ചാടിയിറങ്ങി കാറിന്റെ ട്രക്ക് തുറന്ന് അതിനോട് ഈ മാതാവിനെ ചേര്ത്തു നിര്ത്തി മറ്റൊരു യുവതി ഇവരുടെ മുഖത്തേക്ക് പെപ്പര് സ്പ്രേ ചെയ്തു.
കയ്യിലുണ്ടായിരുന്നു വാലറ്റ് തട്ടിയെടുത്ത് ഇവരും അവര് വന്ന നിസാന് അള്ട്ടിമ കാറില് കയറി രക്ഷപ്പെട്ടു. ഭാഗ്യം കൊണ്ടാണ് ഇവര് കുട്ടികളുടെ മാതാവ് രക്ഷപ്പെട്ടതെന്ന് അക്രമണത്തിന് ഇരയായ സ്ത്രീയുടെ കുടുംബാംഗം അറിയിച്ചു. ഈ സംഭവത്തിന്റെ ഞെട്ടലില് നിന്നും ഇതുവരെ മോചിതയായിട്ടില്ലെന്നും അവര് പറഞ്ഞു.
സംഭവത്തിന് ശേഷം കാറില് രക്ഷപ്പെട്ട പ്രതികള്ക്കായി പൊലീസ് ഉടന് അന്വേഷണം ആരംഭിച്ചു. റോക്ക്വാന് പൊലീസും ഡാലസ് പൊലീസും നടത്തിയ തിരച്ചലില് അവരെ പിടികൂടുകയായിരുന്നു. പത്തൊമ്പതു വയസ്സുക്കാരിയ ഡോസന്, ഫിന്നി എന്നിവരെ വ്യാഴാഴ്ച വൈകിട്ട് അറസ്റ്റ് ചെയ്തു ജയിലിലടച്ചു.