പി.പി.ചെറിയാന്
ഹൂസ്റ്റണ് : ഇന്ത്യന് നാഷണല് കോണ്ഗ്രസ്സിന്റെ 137 ആം ജന്മദിനമായ ഡിസംബര് 28 നു കെപിസിസി പ്രസിഡന്റ് ശ്രീ കെ.സുധാകരന് പ്രഖ്യാപിച്ച 137 ചലഞ്ചിനെ അഭിമാനപൂര്വമാണ് ഓവര്സീസ് ഇന്ത്യന് കള്ച്ചറല് കോണ്ഗ്രസ് യുഎസ്എ ഏറ്റെടുത്തത് .ആരംഭ ഘട്ടത്തില് 1000 ചലഞ്ചുകള് പ്രഖ്യാപിച്ചപ്പോള്, ഇത്രയും സഹകരണമുണ്ടാകുമെന്ന്പ്രതീക്ഷിച്ചില്ല, , എന്നാല് അമേരിക്കയിലെ കോണ്ഗ്രസ് പ്രവര്ത്തകരും അനുഭാവികളും ഈ ചലഞ്ചിനെ നെഞ്ചോട് ചേര്ത്തു പിടിച്ചു. മുമ്പ് പറഞ്ഞിരുന്നത് പോലെ ചലഞ്ച് അവസാനിപ്പികുന്നതിനു ഒരു ദിവസം മുന്പ് 1111ചലഞ്ചുകള്ക്കുള്ള തുക സമാഹരിക്കുവാന് കഴിഞ്ഞുവെന്നത് അഭിമാനാര്ഹമാണ്.
ഈ പരിപാടിയുടെ ആദ്യഘട്ടമായി ഇതിനകം ശേഖരിച്ച 1111 ചലഞ്ച് ഇവിടെയുള്ള പ്രവര്ത്തകര് ‘കോണ്ഗ്രസിന്റെ കുതിപ്പിന് എന്റെ സ്നേഹ സമ്മാന’ മായി കെപിസിസി ഫണ്ടില് അടയ്ക്കും. ജനുവരി 26 നു കെപിസിസി ആഗോളതലത്തില് ഈ ചലഞ്ചുകള് അവസാനിപ്പിക്കുന്നതിനു മുമ്പായി ഈ ഉദ്യമത്തില് പങ്കെടുക്കുന്നതിനു ഇനിയും ആര്ക്കെങ്കിലും താല്പര്യമുണ്ടെങ്കില് കോര്ഡിനേറ്റര്മാരുമായി നേരിട്ട്ബന്ധപ്പെടേണ്ടതാണ്
കേരളാ പ്രദേശ് കോണ്ഗ്രസ് കമ്മിറ്റിയുടെ നേരിട്ടുള്ള നിയന്ത്രണത്തില്, ഒഐസിസി യുഎസ്എ യുടെ നേതൃത്വത്തില് കേരളത്തിലെ കോണ്ഗ്രസിനെ ശക്തിപ്പെടുത്താനുള്ള നീക്കത്തില് അമേരിക്കയിലുള്ള എല്ലാ കോണ്ഗ്രസ് പ്രവര്ത്തകരുടെയും സഹകരണവും പിന്തുണയും തുടര്ന്നും പ്രതീക്ഷിക്കുന്നു..കെപിസിസി 137 ചലഞ്ചിനെ ഉജ്ജ്വലമാക്കിയ ഒഐസിസി പ്രവര്ത്തകര്,കോണ്ഗ്രസ്സിനെ നെഞ്ചിലേറ്റിയ, ഹൃദയത്തോട് ചേര്ത്ത് പിടിച്ച പോരാളികള്.എന്നിവരോട് ഓവര്സീസ് ഇന്ത്യന് കള്ച്ചറല് കോണ്ഗ്രസ് യുഎസ്എ ആത്മാര്ത്ഥമായി നന്ദി അറിയിക്കുന്നതായി . ഒഐസിസി നാഷണല് കോര്ഡിനേറ്റര് ജെയിംസ് കൂടല്, നോര്ത്ത്, സൗത്ത് റീജിയണല് കോര്ഡിനേറ്റര്മാരായ സന്തോഷ് ഏബ്രഹാം, ജീമോന് റാന്നി എന്നിവര് അറിയിച്ചു.