തൂത്തുക്കുടി: മുംബൈയിലെ പ്രതിരോധ ഗവേഷണകേന്ദ്രത്തില്‍ നിന്നും മോഷ്ടിക്കപ്പെട്ടു എന്നു കരുതുന്ന ഇറിഡിയവുമായി നാലുപേരെ പോലീസ് അറസ്റ്റു ചെയതു. കരൈക്കുടിയിലെ എസ്.വൈദ്യലിംഗം (65), മുതുകുളത്തൂരിലെ കെ. മുത്തുരാമലിംഗം (45), തൂത്തുക്കുടിയിലെ പി.മരിയദാസ് (40), എം. മുരുകന്‍ (47) എന്നിവരെയാണ് പോലീസ് അറസ്റ്റ് ചെയ്തത്.
ഡി.ആര്‍.ഡി.ഒ യില്‍ നിന്നും മോഷ്ടിക്കപ്പെട്ട ഇറിഡിയം വില്‍ക്കാനുള്ള ശ്രമത്തിനിടയിലാണ് പിടിക്കപ്പെട്ടത്. മുത്തയ്യപുരത്തെ വ്യാപാരി എസ്. തങ്കം എന്നയാളോട് കോടികള്‍ വിലവരുന്ന ഇറിഡിയം വില്‍ക്കാന്‍ ചലര്‍ സഹായം തേടിയരുന്നു. തുടര്‍ന്ന് തങ്കം വിവരം പോലീസില്‍ അറിയിക്കുകയായിരുന്നു. ഇതെ തുടന്നാണ് പ്രതികളെ അന്വേഷിച്ച് പോലീസ് വലയിലാക്കിയത്.
