അർക്കൻസാസ് (ടെക്സാസ് ): വാസ്‌കോമിലെ റോഡ്‌റിക് ജാക്സൺ നെബ്രാസ്കയിലെ ഒരു സ്റ്റോർ കടയിൽ മോഷണം നടത്തിയെന്ന തെറ്റായി ആരോപിച്ച് തന്റെ പൗരാവകാശങ്ങൾ ലംഘിച്ചുവെന്ന് ചൂണ്ടിക്കാട്ടി നഷ്ടപരിഹാര കേസ് ഫയൽ ചെയ്തു. വെസ്റ്റേൺ ഡിസ്ട്രിക്റ്റ് ഓഫ് അർക്കൻസസിനായുള്ള യുഎസ് ഡിസ്ട്രിക്റ്റ് കോടതിയിൽ തിങ്കളാഴ്ച രണ്ട് കൈയ്യക്ഷര പരാതികളാണ് സമർപ്പിച്ചത്
നെബ്രാസ്കയിലെ ഒമാഹയിലെ സ്റ്റോറിൽ 2021 മാർച്ചിലായിരുന്നു സംഭവം , “കടയിൽ മോഷണം എന്ന തെറ്റായ ആരോപണവും ” “വംശം/വർണ്ണം അടിസ്ഥാനമാക്കിയുള്ള” പൗരാവകാശ ലംഘനവും ഉൾപ്പെട്ടതാണ് പരാതികൾ .ഒരു തരത്തിലുള്ള വിവേചനവും സഹിക്കില്ലെന്ന് കമ്പനിയുടെ വക്താവ് വ്യാഴാഴ്ച പറഞ്ഞു.
“ജാക്‌സന്റെ പരാതിയെക്കുറിച്ച് ഞങ്ങൾക്കറിയാം, ആരോപണങ്ങൾക്കെതിരെ കമ്പനിയെ പ്രതിരോധിക്കാൻ ഉദ്ദേശിക്കുന്നു,” കമ്പനി പറഞ്ഞു.
തന്റെ എല്ലാ കോടതി ഫീസും വാൾമാർട്ട് നൽകണമെന്ന് ജാക്സൺ ആവശ്യപ്പെടുന്നു. വക്കീലില്ലാതെയാണ് അദ്ദേഹം പരാതികൾ നൽകിയത്,.
2021-ൽ ജാക്സൺ ഇതേ സംഭവത്തിൽ വാൾമാർട്ടിനെതിരെ കേസെടുത്തു. തന്നെ വംശീയമായി പ്രൊഫൈൽ ചെയ്യുകയും ഒരു കുറ്റകൃത്യത്തിന്റെ പേരിൽ തെറ്റായി ആരോപിക്കുകയും ചെയ്തു, ഇത് തന്നെ അറസ്റ്റിലേക്ക് നയിച്ചുവെന്ന് അദ്ദേഹം ആ പരാതിയിൽ എഴുതി.
കൈവിലങ്ങിൽ നിന്ന് വൈകാരിക സമ്മർദ്ദവും വേദനയും ജാക്സൺ അനുഭവിച്ചതായി പരാതിയിൽ പറയുന്നു.100 മില്യൺ ഡോളറും “ഭാവിയിലെ ഷോപ്പിങ്ങിനുള്ള വലിയ ക്രെഡിറ്റും” അദ്ദേഹം ആദ്യം ആവശ്യപ്പെട്ടെങ്കിലും പിന്നീട് 175 മില്യൺ ഡോളർ നഷ്ടപരിഹാരം ആവശ്യപ്പെട്ട് പരാതിയിൽ ഭേദഗതി വരുത്തി.
GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.
https://chat.whatsapp.com/JhxiciOJCEF28fswCzOCIB
