പേപാൽ ഇന്ത്യയിലെ ആഭ്യന്തര ബിസിനസ്സ് നിർത്തലാക്കുന്നു. ഏപ്രിൽ ഒന്നിന് പേപാൽ ഇന്ത്യയിലെ ആഭ്യന്തര പേയ്മെന്റ് ബിസിനസ്സ് അവസാനിപ്പിക്കുമെന്നാണ് കമ്പനി വെള്ളിയാഴ്ച പ്രസ്താവനയിൽ പറഞ്ഞത്. അതേസമയം, രാജ്യാന്തര പണമിടപാടുകൾക്കുള്ള സേവനം ഇനിയും തുടരും.
“2021 ഏപ്രിൽ 1 മുതൽ, ഇന്ത്യൻ ബിസിനസുകൾക്കായി കൂടുതൽ അന്തർദ്ദേശീയ വിൽപന പ്രാപ്തമാക്കുന്നതിൽ ഞങ്ങൾ ശ്രദ്ധ കേന്ദ്രീകരിക്കും, കൂടാതെ ഇന്ത്യയിലെ ആഭ്യന്തര ഉൽപ്പന്നങ്ങളിൽ നിന്നും ശ്രദ്ധ തിരിക്കും. ഇതിനർത്ഥം ഏപ്രിൽ 1 മുതൽ ഞങ്ങൾ ഇന്ത്യയിൽ ആഭ്യന്തര പേയ്മെന്റ് സേവനങ്ങൾ നൽകില്ല, ”കമ്പനി വക്താവ് പറഞ്ഞു.
യാത്ര, ടിക്കറ്റിംഗ് സേവനം മെയ്ക്ക് മൈട്രിപ്പ്, ഓൺലൈൻ ഫിലിം ബുക്കിംഗ് ആപ്ലിക്കേഷൻ ബുക്ക് മൈഷോ, ഫുഡ് ഡെലിവറി ആപ്ലിക്കേഷൻ സ്വിഗ്ഗി തുടങ്ങി നിരവധി ഇന്ത്യൻ ഓൺലൈൻ ആപ്ലിക്കേഷനുകളിൽ പേപാൽ ഒരു പേയ്മെന്റ് ഓപ്ഷനായിരുന്നു. പേപാൽ ഇന്ത്യയിലെ പ്രാദേശിക പേയ്മെന്റ് ബിസിനസ്സ് ഉപേക്ഷിക്കുന്നതിന്റെ കാരണം വ്യക്തമാക്കിയിട്ടില്ല.