ശ്രീനഗര്: ഇന്ത്യന് അതിര്ത്തിയില് വിണ്ടും പാകിസ്താന്റെ കടന്നു കയറ്റം. ശ്രീനഗറിലെ രജൗരിയിലാണ് പാകിസ്താന് വീണ്ടും കടന്നു കയറ്റം നടത്തി പ്രകോപനമില്ലാതെ വെടിവെപ്പ് തുടങ്ങിയത്. ഉടനെ ഇന്ത്യന് സൈന്യം തിരിച്ചടിച്ചു. തുടര്ന്ന് നടന്ന വെടിവെപ്പില് രണ്ട് ഇന്ത്യന് സൈനികര്ക്ക് വീരമൃത്യു സംഭവിച്ചു. രജൗരിലെ സുന്ദര്ബനി സെക്ടറിലാണ് അപ്രതീക്ഷിതമായ ഈ ഏറ്റുമുട്ടല് സംഭവിച്ചത്
പ്രേം ബഹാദൂര് ഖത്രി, റൈഫിള്മെന് സുഖ്ബര് സിങ് എന്നിവരാണ് ഇന്ത്യയുടെ വീര ചരമം പ്രാപിച്ച സൈനികരെന്ന് പ്രതിരോധ മന്ത്രാലയം പുറത്തുവിട്ട പത്രക്കുറിപ്പില് വ്യക്തമാക്കി. കഴിഞ്ഞ ആഴ്ചകളില് നടന്ന പാകിസ്താന് വെടിവെപ്പില് രണ്ട് സൈനികരും ഒരു പ്രദേശവാസിയും മരണമടഞ്ഞിരുന്നു. തുടര്ന്നാണ് ഇന്നത്തെ സുന്ദര്ബനി സെക്ടറില് നടന്ന അക്രമണം. അക്രമണത്തില് ഇന്ത്യന് സൈന്യം അപലപിച്ചു.